វៀតណាមកំណត់ Deadline យកឈ្នះស្ថានភាពកូវីដ ត្រឹមចុងខែ
វៀតណាមគួរតែព្យាយាមគ្រប់គ្រងស្ថានភាពជំងឺរាតត្បាតកូវីដ១៩ក្នុងប្រទេស ឲ្យបានត្រឹមចុងខែកញ្ញានេះ មុននឹងស្តារផលិតកម្មនិងអាជីវកម្មឡើងវិញ ប្រកបដោយសុវត្ថិភាព នេះបើតាមនាយករដ្ឋមន្ត្រី Pham Minh Chinh អះអាង នាថ្ងៃចន្ទ ទី៦ កញ្ញា ២០២១។
មានប្រសាសន៍ក្នុងកិច្ចប្រជុំគណៈរដ្ឋមន្ត្រី លោកបាននិយាយថា ស្ថានភាពសង្គមសេដ្ឋកិច្ចក្នុងពេល៨ខែមកនេះ ប៉ះពាល់ខ្លាំងោយសារតែការផ្ទុះកូវីដ១៩ ចុងក្រោយនេះ។ អាទិភាពសំខាន់បំផុតគួរតែ បង្កើតបានការគ្រប់គ្រង យកឈ្នះជំងឺនេះ កាន់តែឆាប់កាន់តែល្អ ដោយសារតែដើម្បីការស្តារសេដ្ឋកិច្ចឡើងវិញ។
លោកនាយករដ្ឋមន្ត្រីបន្តថា ខណៈដែលជួបបញ្ហាខ្វះខាតវ៉ាក់សាំង នាពេលបច្ចុប្បន្ននេះ និងការចាក់វ៉ាក់សាំងគ្របដណ្តប់បានទាបនោះ វិធានការទប់ស្កាត់នានានៅតែត្រូវការ រួមមានទាំងការរក្សាគម្លាតសង្គម ជាដើម។ លោកបានស្នើឲ្យភាគីពាក់ព័ន្ធបង្កើតជាផែនទីចង្អុលផ្លូវមួយ សម្រាប់ការស្តារសេដ្ឋកិច្ច និងសេណារីយ៉ូជំរុញកំណើនការគ្របដណ្តប់ដោយវ៉ាក់សាំងកាន់តែលឿន។
វៀតណាមមានវិជ្ជមានកូវីដ១៩ កើនដល់៥៣២៤៩១នាក់ហើយ ជាសះស្បើយសរុប ៣០១៤៥៧នាក់ ស្លាប់កើនដល់១៣៣៨៥នាក់ហើយ។ វៀតណាមចាក់វ៉ាក់សាំងដូសទី១ បានជាង២២លាននាក់ ដោយក្នុងចំណោមនេះ មាន៣.៣៣លាននាក់បានចាក់បាន២ដូស គិតត្រឹមយប់ថ្ងៃទី៦ កញ្ញា៕
