ខេត្តបន្ទាយមានជ័យ បានរកឃើញអ្នកឆ្លងជំងឺកូវីដ១៩ ចំនួន១៤៩នាក់ នៅថ្ងៃនេះ ដែលជាតួលេខឆ្លងកើន ៣២នាក់ បើប្រៀបធៀបនឹងម្សិលមិញ ។

យោងរដ្ឋបាលខេត្ត ការឆ្លងនៅថ្ងៃនេះ ៥៤នាក់ ជាពលករដែលទើប ត្រឡប់មកពីប្រទេសថៃ និង៩៥នាក់ទៀតជាករណីឆ្លងនៅក្នុងសហគមន៍ ។ ការឆ្លងនៅថ្ងៃនេះ បានកើតលើ ពលរដ្ឋនៅស្រុកម៉ាឡៃ, ស្រុកថ្មពួក, ស្រុកអូរជ្រៅ, ស្រុកព្រះនេត្រព្រះ, ស្រុកស្វាយចេក, ក្រុងប៉ោយប៉ែត, ស្រុកមង្គលបុរី, ក្រុងសិរីសោភ័ណ, ស្រុកភ្នំស្រុក និងពលរដ្ឋនៃខេត្តផ្សេង រួមមានខេត្តកំពង់ចាម, ខេត្តកំពង់ធំ, ខេត្តសៀមរាប, ខេត្តព្រះសីហនុ, ខេត្តស្ទឹងត្រែង, ខេត្តប៉ៃលិន ,ខេត្តត្បូងឃ្មុំ, ខេត្តពោធិ៍សាត់, ខេត្តបាត់ដំបង, ខេត្តតាកែវ, ខេត្តស្វាយរៀង និងឆ្លងលើពលរដ្ឋនៅខេត្តព្រៃវែង ។ ខេត្តបន្ទាយមានជ័យនៅថ្ងៃនេះ បានព្យា បាលអ្នកអ្នកជំងឺកូវិដ១០ ឲ្យជាសះស្បើយចំនួន ៥៧៤នាក់ ៕