ថៃឆ្លងថ្មីជាង១៤០០០នាក់ ជាជិត១៦០០០នាក់ ស្លាប់១៨១នាក់
ក្រសួងសុខាភិបាលថៃ បានព្រឹកថ្ងៃទី១២ កញ្ញានេះ បានប្រកាសពីការឆ្លងជំងឺកូវីដ១៩ ថ្មីៗ ចំនួន១៤០២៩នាក់ ជាសះស្បើយ ១៥៧៤២នាក់ និងស្លាប់ថ្មី ១៨១នាក់ ទៀត ក្នុងរយៈពេល២៤ម៉ោងចុងក្រោយមកនេះ។
ចាប់តាំងពីកើតមានការឆ្លងដំបូង កាលពីដើមឆ្នាំមុន ថៃមានករណីកូវីដ សរុប ១,៣៨២,១៧៣នាក់ហើយ ជាសះស្បើយសរុប ១,២៣២,០៧៣នាក់ ស្លាប់វិញកើនដល់១៤៣៥៣នាក់ហើយ។
ជាការកត់សម្គាល់ ចំនួនមនុស្សស្លាប់ប្រចាំថ្ងៃធ្លាក់ចុះខ្លះៗហើយ ខណៈការឆ្លងថ្មី ក៏ថមថយបន្តិចដែរ។ កាលពីថ្ងៃទី១៨ សីហា ធ្លាប់មានស្លាប់១ថ្ងៃ ៣១២នាក់ ខណៈកាលពីថ្ងៃទី១៣ សីហា អ្នកឆ្លងមានដល់ទៅ២៣៤១៨នាក់ ឯណោះ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ