កាប៊ុល៖ មន្រ្តីជាន់ខ្ពស់មកពីប្រទេសចិន​ រុស្ស៊ី ប៉ាគីស្ថាន និងអ៊ីរ៉ង់បានយល់ព្រមនៅថ្ងៃព្រហស្បតិ៍សប្តាហ៍នេះ ដើម្បីបង្កើនការទំនាក់ទំនង និងការសម្របសម្រួលលើបញ្ហាប្រទេសអាហ្វហ្គានីស្ថាន។

សមាជិកក្រុមប្រឹក្សារដ្ឋចិន និងជារដ្ឋមន្ត្រីការបរទេសចិនលោក Wang Yi សមភាគី រុស្ស៊ីលោក Sergei Lavrov សមភាគីប៉ាគីស្ថានលោក Shah Mahmood Qureshi និងជំនួយការរដ្ឋមន្ត្រីការបរទេសអ៊ីរ៉ង់លោក Seyed Rasoul Mousavi បានឈានដល់ការមូលមតិគ្នានៅឯកិច្ចប្រជុំក្រៅផ្លូវការមួយស្តីពីអាហ្វហ្គានីស្ថាននៅ Tajik នៃរដ្ឋធានី Dushanbe ប្រទេសតាជីគីស្ថាន។ លោក Wang បាននិយាយថា វាចាំបាច់សម្រាប់ប្រទេសទាំងបួនដើម្បីពង្រឹងការទំនាក់ទំនង និងការសម្របសម្រួលមានសំឡេងជាឯកច្ឆន្ទបញ្ចេញឥទ្ធិពលវិជ្ជមាន និងដើរតួនាទីស្ថាបនាក្នុងការធ្វើឱ្យស្ថានការណ៍នៅអាហ្វហ្គានីស្ថានមានស្ថិរភាព។

ប្រមុខការទូតចិនរូបនេះបានសង្កត់ធ្ងន់ទៀតថា បណ្តាប្រទេសនៅក្នុងតំបន់រំពឹងថា រដ្ឋាភិបាលអាហ្វហ្គានីស្ថានថ្មីនេះ នឹងរួមបញ្ចូលគ្នាប្រឆាំងភេរវកម្ម និងរួសរាយរាក់ទាក់ជាមួយប្រទេសជិតខាង៕ ប្រភព៖ CGTN