អង្គបុរេជំនុំគណ:កម្មការរៀបចំសទ្ទានុ ក្រមបច្ចេកសព្ទក្នុងវិស័យសន្តិសុខនិងសណ្តាប់ធ្នាប់សាធារណ:នៃក្រសួងមហាផ្ទៃ ប្រជុំពិនិត្យ ពិភាក្សាបន្ត
អត្ថបទដោយ៖
Kien Sereyvuth
ដីឥដ្ឋ ៖ ឯកឧត្តម នាយឧត្តមសេនីយ៍ សេង ផល្លី ប្រធានបណ្ឌិត្យ សភានគរបាលកម្ពុជានិងជាប្រធានគណ:កម្មការរៀបចំសទ្ទានុក្រមបច្ចេកសព្ទក្នុងវិស័យសន្តិសុខនិងសណ្តាប់ធ្នាប់សាធារណ:នៃក្រសួងមហាផ្ទៃ បានអនុញ្ញាតឱ្យបើកកិច្ចប្រជុំអង្គបុរេជំនុំតាមប្រព័ន្ធអ៊ីនធឺណិត( Zoom meeting) ដេីម្បីពិនិត្យ ពិភាក្សា និងកែសម្រួលលើខ្លឹមសារ ពន្យល់បច្ចេកសព្ទ និងការបកប្រែមេពាក្យបច្ចេកសព្ទរបស់អនុគណ:កម្មការអន្តោប្រវេសន៍លេីកទី៣ ដឹកនាំកិច្ចប្រជុំដោយ ឯកឧត្តម ឧត្តមសេនីយ៍ឯក សាស្ត្រាចារ្យ ស៊ូ សុផាន អនុប្រធានបណ្ឌិត្យសភានគរបាលកម្ពុជានិងជាអនុប្រធានអចិន្រ្តៃយ៍គណ:កម្មការ ដែលជាតំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ សាស្ត្រាចារ្យ សេង ផល្លី ប្រធានបណ្ឌិត្យសភានគរបាលកម្ពុជា ដែលអញ្ជើញចូលរួមដោយ ឯកឧត្ដម ឧត្តមសេនីយ៍ឯក ណុប វី អគ្គនាយករងនៃអគ្គនាយកដ្ឋានអន្តោប្រវេសន៍និងជាប្រធានអនុគណៈកម្មការអន្តោប្រវេសន៍ ព្រមទាំងសមាជិក ឯកឧត្តម ឧត្តមសេនីយ៍ទោ អេង គឹមសាន អនុប្រធានបណ្ឌិត្យសភានគរបាលកម្ពុជានិងជាប្រធានអនុគណៈកម្មការបកប្រែភាសាអង់គ្លេស លោក អែម ឧត្តម សមាជិកក្រុមប្រឹក្សាជាតិភាសាខ្មែរនៃរាជបណ្ឌិត្យសភា កម្ពជា និងមន្ត្រីលេខាធិការដ្ឋានសរុបចំនួន១៥នាក់។
អង្គបុរេជំនុំ បានពិនិត្យ ពិភាក្សា លើខ្លឹមសារ ពន្យល់បច្ចេកសព្ទទាក់ទងនិងជំនាញនគរបាលអន្តោប្រវេសន៍ ដោយបានធ្វេីការពិភាក្សានិងផ្លាស់ប្ដូរយោបល់ កែសម្រួលលេីអក្ខរាវិរុទ្ធ វេយ្យាករណ៍ និងខ្លឹមសារពន្យល់បច្ចេកសព្ទ និងការពិនិត្យកែសម្រួលនិងការបកប្រែមេពាក្យបច្ចេកសព្ទជាភាសាអង់គ្លេសឱ្យមានលក្ខណ:ត្រឹមត្រូវ។
កិច្ចប្រជុំបានពិនិត្យនិងកែសម្រួល បានចំនួន១២បច្ចេកសព្ទ សរុបលេីកទី១ លេីកទី២ និងលេីកទី៣ បានចំនួន២៦ បច្ចេកសព្ទលេី៨៣បច្ចេកសព្ទដែលបាន ស្នេីពិនិត្យក្នុងអង្គបុរេជំនុំ។ បច្ចេកសព្ទដែលនៅសល់និងលេីកទៅពិនិត្យនៅសប្តាហ៍ក្រោយបន្តទៀត។
ជាចុងបញ្ចប់អង្គបុរេជំនុំបានស្នេី ឯកឧត្តម ណុប វី ប្រធានអនុគណ: កម្មការអន្តោប្រវេសន៍ បន្តស្រាវជ្រាវឯកសារ ដើម្បីបញ្ជាក់បន្ថែមលេីបច្ចេកសព្ទចំនួន២ គឺបច្ចេកសព្ទទី១ «ខ្សែបន្ទាត់ព្រំដែន»និងទី២ «ចំណុចកណ្ណិធា» និងគោរពរាយការណ៍ជូន ឯកឧត្ដម នាយឧត្តមសេនីយ៍ អគ្គនាយកអន្តោប្រវេសន៍ លើខ្លឹមសារដែលបានកែសម្រួលរួច ដេីម្បីពិនិត្យនិងសម្រេច មុននឹងដាក់ជូនក្នុងកិច្ខប្រជុំគណ:កម្មការ ពិនិត្យនិងអនុម័ត៕ដោយ-រ៉ាវុធ
