លេខាធិការខាងដឹកជញ្ជូនរបស់ អង់គ្លេសថានឹងមិនមានការខ្វះប្រេងប្រើទេ
គេសង្កេតឃើញថានៅតាមកន្លែង លក់សាំង ប្រេង នានានៅប្រទេសអង់គ្លេស កំពុងមានមនុស្សម្នាជាច្រើន កំពុងតម្រង់ជួរយ៉ាងវែង ដើម្បីរង់ចាំទិញប្រេងសម្រាប់ប្រើប្រាស់។ ក៏ប៉ុន្តែ លោកលេខាធិការដឹកជញ្ជូន Grant Shapps បានមានប្រសាសន៍ថា៖ «នឹងមិនមាន បញ្ហាកង្វះខាតប្រេង សាំងឡើយ ហើយប្រជាជនគួរតែមានស្មាតរីក្នុងការប្រើប្រាស់ប្រេង គឺប្រើដោយសន្សំសំចៃនិង ពេលត្រូវការខ្លាំងបានហើយ។» លោក ក៏បានបន្តថា៖ «យើងមាន ប្រេង នៅសល់យ៉ាងច្រើន នៅក្នុងមជ្ឈមណ្ឌល ស្តុកប្រេងផ្សេងៗគ្នាចំនួន ៤៧នៅទូទាំងប្រទេសផងដែរ»
កង្វះខាតអ្នកបើកឡានដឹកទំនិញក៏ បានបង្កបញ្ហាដល់ឧស្សាហកម្មជាច្រើន ក្នុ ងប៉ុន្មានខែចុងក្រោយនេះពីផ្សារទំនើបរហូតដល់ ហាងលក់ចំណីអាហារតូចៗផងដែរ។ ក្នុងរយៈពេលប៉ុន្មានថ្ងៃចុងក្រោយនេះ ការបញ្ជូនប្រេងឥន្ធនៈមួយចំនួនត្រូវបានរងផលប៉ះពាល់ដែល នាំឱ្យមាន ការតម្រង់ជួយ៉ាង វែងនៅស្ថានីយ៍ប្រេងឥន្ធនៈជាច្រើនដោយមានរបាយការណ៍ថា មានរថយន្តរាប់សិបគ្រឿងកំពុងតម្រង់ជួរនៅទីក្រុងឡុងដ៍ ត្រឹមម៉ោង ០៧ ព្រឹកថ្ងៃអាទិត្យ។
ម្នាក់ក្នុងចំណោមអ្នកដែលជួប បញ្ហាពិបាកក្នុងការចាក់សាំង សម្រាប់យានយន្ត របស់ពួកគេគឺ Adrienne Kenny មកពីទីក្រុង Cambridge ដែលត្រូវការបើកបរទៅកាន់ទីក្រុង Leeds ដើម្បីធ្វើការនៅថ្ងៃចន្ទ។ នាងបាននិយាយថានាង បានសាកល្បងចូលស្ថានីយ៍ប្រេងឥន្ធនៈចំនួនបី កាលពីថ្ងៃសៅរ៍ប៉ុន្តែ «មិនមាន ប្រេងម៉ាស៊ូតសម្រាប់លក់ឲ្យនាងទេ» ។
មេដឹកនាំគណបក្សពលករ លោក Sir Keir Starmer បាននិយាយថា ស្ថានភាពនេះបានបង្ហាញពីការខ្វះការរៀបចំផែនការទាំងស្រុងពីរដ្ឋាភិបាល។ លោកបាននិយាយថា ស្ថានភាពនេះត្រូវបានគេ ដឹងថានឹងកើតឡើងអស់ជាច្រើនឆ្នាំមកហើយ ។ហើយលោកបាន និយាយបន្តថា៖ « យើងដឹងយ៉ាងច្បាស់ ថានៅពេលដែលយើងចាកចេញ ពីសហភាពអឺរ៉ុប យើងនឹងត្រូវការផែនការបម្រុងដើម្បីដោះស្រាយស្ថានការណ៍ដូចនេះ» ក៏ប៉ុន្តែរដ្ឋាភិបាលមានការយឺតយ៉ាវដើម្បីដោះស្រាយ។