សិង្ហបុរីផ្ដល់វ៉ាក់សាំងអាស្ត្រាហ្សេនេកា ១២ម៉ឺនដូសទៅកាន់ថៃ
អត្ថបទដោយ៖
Kien Sereyvuth
សិង្ហបុរីផ្ដល់វ៉ាក់សាំងអាស្ត្រាហ្សេនេកាចំនួន ១២២ ៤០០ដូសទៅកាន់ប្រទេសថៃ។ នេះបើតាមសេចក្ដីប្រកាសព័ត៌មានរបស់ក្រសួងការបរទេសសិង្ហបុរីកាលពីថ្ងៃច័ន្ទកន្លងទៅ។ បន្ថែមពីការផ្ដល់វ៉ាក់សាំងប្រឆាំងកូវីដ-១៩ សិង្ហបុរីក៏បានឱ្យឧបករណ៍ធ្វើតេស្តមួយចំនួនទៅកាន់ថៃផងដែរ។
ឯកអគ្គរដ្ឋទូតសិង្ហបុរីប្រចាំរាជធានីបាងកកលោក Kevin Cheok បានប្រគល់វ៉ាក់សាំង និងឧបករណ៍ទាំងនេះជូនដល់ឧបនាយករដ្ឋមន្ត្រី និងរដ្ឋមន្ត្រីក្រសួងសុខាភិបាលថៃលោក Anutin Charnvirakul កាលពីថ្ងៃទី២៧ ខែកញ្ញា។
កន្លងមក សិង្ហបុរីក៏ធ្លាប់បរិច្ចាគវ៉ាក់សាំង ដែលខ្លួនមានទៅដល់ប្រទេសជិតខាងរបស់ខ្លួន ដែលរួមមានប្រទេសម៉ាឡេស៊ី និងប្រទេសប្រ៊ុយណេ៕
