អាជ្ញាធរបារ៉ែន បានចាប់ កុមាររាប់រយនាក់ដាក់ក្នុងពន្ធធនាគារ
ការស៊ើបអង្កេតថ្មីមួយរបស់ Al Jazeera បានបង្ហាញថា យ៉ាងហោចណាស់មាន កុមារចំនួន ៦០៧ នាក់ត្រូវបានគេ ធ្វើទារុណកម្មក្រោមរូបភាព ផ្សេងៗគ្នាដោយអាជ្ញាធរបារ៉ែនខណៈកុមារទាំងនោះកំពុងជាប់ឃុំក្នុងរយៈពេលមួយទសវត្សរ៍ចុងក្រោយនេះ។
ការរកឃើញនេះគឺ ផ្អែកលើរបាយការណ៍តុលាការដែលបាន បែកធ្លាយក៏ដូចជាសក្ខីកម្មពីកុមារដែលពិពណ៌នាអំពីការគំរាមកំហែងហើយក្នុងករណីខ្លះត្រូវបានគេរំលោភបំពានលើរាងកាយអំឡុងពេលសួរចម្លើយទៀតផង។ ការសួរចម្លើយទាំងនេះ ត្រូវបានធ្វើឡើងជាញឹកញាប់ដោយគ្មាន វត្តមានឪពុកម្តាយ របស់កុមារឬមេធាវីរបស់ពួកគេនៅក្បែរឡើយ យោងតាមឯកសារពីការកាត់ទោសសាធារណៈបារ៉ែន។
នៅក្នុងសេចក្តីថ្លែងការណ៍មួយដែលទទួលបានដោយ Al Jazeera បុរសវ័យក្មេងម្នាក់ដែលត្រូវបានឃុំខ្លួននៅក្នុងពន្ធនាគារតាំងពីគាត់មានអាយុ ១៦ ឆ្នាំ។ លោកបាននិយាយថាអ្នកដែលត្រូវនៅម្នាក់ឯងច្រើនតែត្រូវបានគេដាក់ច្រវាក់លើគ្រែទៀតផង។
ជាការឆ្លើយតបទៅនឹងការស៊ើបអង្កេតរបស់ Al Jazeera ក្រសួងមហាផ្ទៃបារ៉ែនបាននិយាយថា គ្មានកុមារណាដែលកំពុងជាប់ពន្ធនាគារនៅបារ៉ែនទេ។ ទោះយ៉ាងណាក៏ដោយ គេបាននិយាយថាអ្នកជាប់ឃុំខ្លះដែលមានអាយុចន្លោះពី ១៥-១៨ ឆ្នាំកំពុង នៅក្នុងមណ្ឌលអប់រំកែប្រែពិសេសពិតប្រាកដមែន។បារ៉ែនជាប្រទេសដែល កេរ្តិ៍ឈ្មោះអាស្រូវដោយសារការរំលោភសិទ្ធិមនុស្ស អស់រយះពេលជាយូរណាស់មកហើយ។
