ចិនអនុញ្ញាតអោយបងប្អូនបង្កើតជនជាតិអាមេរិកវិលត្រឡប់ទៅប្រទេសវិញ បន្ទាប់ពីត្រូវបានឃុំខ្លួនបីឆ្នាំ
បងប្អូនបង្កើតជនជាតិអាមេរិកពីរនាក់ដែលត្រូវបានហាមឃាត់មិនអោយចាកចេញពីប្រទេសចិនក្នុងរយៈពេលបីឆ្នាំចុងក្រោយនេះត្រូវបានអនុញ្ញាតអោយត្រឡប់ទៅសហរដ្ឋអាមេរិកវិញ។
កាលពីថ្ងៃច័ន្ទ ទី ២៧ កញ្ញាសមាជិកព្រឹទ្ធសភាអាមេរិកលោក Edward Markey និងអ្នកស្រី Elizabeth Warren បាននិយាយនៅក្នុងសេចក្តីថ្លែងការណ៍មួយថា លោកស្រី Cynthia និងលោក Victor Liu បានត្រលប់មកផ្ទះវិញបន្ទាប់ពីពួកគេបានជាប់នៅប្រទេសចិនអស់រយៈពេល ៣ ឆ្នាំ។
កាលពីឆ្នាំ ២០១៨ ក្រុមគ្រួសារដែលមានបងប្អូនពីរនាក់ និងម្តាយបានធ្វើដំណើរទៅប្រទេសចិនដើម្បីសួរសុខទុក្ខសាច់ញាតិ។ លោកស្រី Liu ជាអ្នកប្រឹក្សាឯករាជ្យមានវ័យ ២៧ ឆ្នាំ ហើយលោក Liu ជានិស្សិតសាកលវិទ្យាល័យអាយុ ១៩ ឆ្នាំនៅពេលនោះ។
ប៉ុន្មានថ្ងៃក្រោយមក ម្តាយរបស់អ្នកទាំងពីរត្រូវបានមន្ត្រីចិនឃុំខ្លួននៅមណ្ឌលឃុំឃាំងសម្ងាត់មួយនេះ នៅពេលនោះអ្នកទាំងបីមិនអាចចាកចេញពីប្រទេសចិនបានឡើយ។ នៅពេលនោះ ក្រសួងការបរទេសចិនបានបង្ហាញថា អ្នកទាំងបីមានផ្ទុកឯកសារដែលបង្ហាញថាពួកគេជាពលរដ្ឋចិនហើយត្រូវបានសង្ស័យថាបានប្រព្រឹត្តបទល្មើសសេដ្ឋកិច្ច។
របាយការណ៍របស់សហរដ្ឋអាមេរិកបាននិយាយថា ប្រទេសចិនបានអនុញ្ញាតអោយអ្នកទាំងបីចាកចេញពីប្រទេសចិននៅចុងសប្តាហ៍ដូចគ្នាដែលអាជ្ញាធរអនុញ្ញាតដោះលែងជនជាតិកាណាដាពីររូបគឺលោក Michael Spavor និង Michael Kovrig ដែលត្រូវបានចាប់ខ្លួននៅប្រទេសចិនកាលពីឆ្នាំ ២០១៨ និងជាប់ការចោទពីបទចារកម្ម។
ជនជាតិកាណាដាពីររូបនេះត្រូវបានដោះលែងប៉ុន្មានម៉ោងបន្ទាប់ពីនាយកប្រតិបត្តិបច្ចេកវិទ្យាចិន អ្នកស្រី Meng Wanzhou ត្រូវបានដោះលែងក្រោយពីបានត្រូវឃុំខ្លួននៅកាណាដាដោយសហរដ្ឋអាមេរិកបានចោទប្រកាន់ពីបទឆបោក។
