ប្រធានគ្រប់គ្រងកប៉ាល់លួចដឹកប្រេងចេញពីកម្ពុជាត្រូវតុលាការឥណ្ឌូណេស៊ីកាត់ទោសជាប់គុក (Video Inside)
នាយកគ្រប់គ្រងនាវា MT Strovolos ដែលលួចដឹកប្រេងឆៅរបស់កម្ពុជា និងត្រូវបានចាប់ក្នុងដែនទឹកប្រទេស ឥណ្ឌូណេស៊ីនោះ ត្រូវបានតុលាការឥណ្ឌូណេស៊ីបានកាត់ទោសឃុំខ្លួនហើយ។ នាវា MT Strovolos បានលួច ចាកចេញពីកម្ពុជា កាលពីថ្ងៃទី១៨មិថុនាដោយដឹកប្រេងឆៅចេញពីកម្ពុជាចំនួន៣០ម៉ឺនធុង។
សារព័ត៌មាន Eurasia review នៅថ្ងៃ ទី២៩ ខែកញ្ញា បានរាយការណ៍ថា ប្រធានក្រុមនាវាដែលជនជាតិបង់ក្លាដេសនោះ ត្រូវបានតុលាការឥណ្ឌូនេស៊ីកាលពីសប្តាហ៍មុន បានកាត់ទោសឱ្យជាប់ពន្ធនាគារចំនួន១៥ថ្ងៃ និងពិន័យជាប្រាក់ ១០០លានរ៉ូពី ឬប្រមាណ៧ពាន់ដុល្លារ ពីបទ ចូលចតនៅក្នុងដែនសមុទ្រឥណ្ឌូនេស៊ី ដោយគ្មានការអនុញ្ញាត។
សេចក្តីរាយការណ៍កាសែតបានបន្តថា ប្រសិនបើលោក មិនបង់ប្រាកផាកពិន័យនេះទេ លោកនឹងត្រូវជាប់ទោស បន្ថែម១ខែទៀត។ សេចក្តីរាយការណ៍បន្តថានៅច្រើនថ្ងៃបន្ទាប់មកទៀត តុលាការឥណ្ឌូណេស៊ី បានបន្តកាត់ ទោសដោយឃុំខ្លួនមនុស្ស១៩នាក់ទៀត ដែលជាអ្នកបានធ្វើការលើកប៉ាល់នោះ។