ADB ផ្តល់ប្រាក់កម្ចី៨២លានដុល្លារ (Video Inside)
ធនាគារអភិវឌ្ឍន៍អាស៊ី ADB បានអនុម័តប្រាក់កម្ចី៨២លានដុល្លារ ដើម្បីកែលម្អផ្លូវក្នុងខេត្តចំនួន២របស់កម្ពុជា។ សេចក្ដីប្រកាសព័ត៌មាន ADB ថ្ងៃទី២៩ ខែកញ្ញា ឆ្នាំ២០២១នេះបញ្ជាក់ថា ធនាគារអភិវឌ្ឍន៍អាស៊ី បានអនុម័ត ប្រាក់កម្ចីចំនួន៨២លានដុល្លារ ដើម្បីកែលម្អផ្លូវជាតិនិងផ្លូវខេត្តប្រវែង៤៨គីឡូម៉ែត្រ ដែលស្ថិតក្នុងខេត្តព្រៃវែង និងកណ្តាល ដើម្បីជំរុញការអភិវឌ្ឍសេដ្ឋកិច្ច តាមច្រករបៀងសេដ្ឋកិច្ចមហាអនុតំបន់មេគង្គ។
ជំនួយកសាងផ្លូវនេះ គឺជាដំណាក់កាលទី២នៃគម្រោងធ្វើឲ្យប្រសើរឡើងនូវបណ្តាញផ្លូវថ្នល់ដែលមាន គោលបំណងពង្រឹង ការតភ្ជាប់កម្ពុជា ជាមួយវៀតណាម និងគាំទ្រការអភិវឌ្ឍគ្រឿងសម្របសម្រួលការឆ្លងដែននៅក្នុងខេត្តទាំងពីរ។
ដំណាក់កាលទី១ នៃគម្រោង ដែលត្រូវបានអនុម័តដោយ ADB ក្នុងឆ្នាំ២០១៧ បានគ្របដណ្តប់លើ ផ្លូវជាតិ ចំនួន១៤៧គីឡូម៉ែត្រ ក្នុងខេត្តព្រៃវែង សៀមរាប និង ស្វាយរៀង តាមច្រករបៀងសេដ្ឋកិច្ច ខាងត្បូងនៃមហាអនុ តំបន់មេគង្គ។