ប្រធានគណបក្សសំបុកឃ្មុំសង្គមប្រជាធិបតេយ្យ គាំទ្រអនុសាសន៍ដ៏ខ្ពង់ខ្ពស់ និងវិធានការតាមផ្លូវច្បាប់របស់សម្តេចតេជោ ហ៊ុន សែន
ភ្នំពេញ: លោក ម៉ម សូណង់ដូ ប្រធានគណបក្សសំបុកឃ្មុំសង្គមប្រជាធិបតេយ្យ បានគាំទ្រអនុសាសន៍ដ៏ខ្ពង់ខ្ពស់ និងវិធានការតាមផ្លូវច្បាប់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា។
នៅក្នុងលិខិតគាំទ្ររបស់គណបក្សសំបុកឃ្មុំសង្គមប្រជាធិបតេយ្យ នៅថ្ងៃទី៨ ខែតុលា នេះបានឱ្យដឹងថា សម រង្ស៊ី ជានរណា? សម រង្ស៊ី ជាពិរុទ្ធជន និងជាអ្នកនយោបាយអនាថា ដែលព្យាយាមគ្រប់ពេលវេលា ដើម្បីបំពុលបរិយាកាសសង្គមខ្មែរ ដោយប្រើពាក្យញុះញង់បំផ្លើសការពិតឥតគណនា រហូតដល់មានការប្រមាថជា ច្រើនលើកច្រើនសារដល់ព្រះកិត្តិនាម ព្រះបាទ នរោត្តម សីហមុនី ព្រះមហាក្សត្រនៃព្រះជាណាចកកម្ពុជាថែមទៀតផង។
ទាក់ទងទៅនឹងព្រឹត្តិការណ៍ថ្មីនេះ សម រង្ស៊ី បានព្យាយាមម្ដងទៀតដោយបានធ្វើការចោទប្រកាន់អំពីរឿងមិនពិត ចោទប្រកាន់ថា “ សម្តេចអគ្គមហាសេនាបតីតេជោ ហ៊ុន សែន មានសញ្ជាតិ២ “ ដែលធ្វើឱ្យប៉ះពាល់ដល់កិត្តិយសរបស់ប្រមុខរដ្ឋាភិបាលយ៉ាងធ្ងន់ធ្ងរបំផុត៕
ដោយៈពលជ័យ