កូវីដសម្លាប់មនុស្សជិត១៨០០០នាក់ហើយ នៅថៃ
ក្រសួងសុខាភិបាលថៃបានប្រកាស នាព្រឹកថ្ងៃទី១២ តុលានេះថា មានវិជ្ជមានកូវីដ១៩ ចំនួន៩៤៤៥នាក់ និងស្លាប់មនុស្ស៨៤នាក់ទៀត ព្រោះជំងឺនេះ ក្នុងពេល២៤ម៉ោងចុងក្រោយមកនេះ។
ក្នុងចំណោមឆ្លងថ្មីៗនេះ ក៏មានឆ្លងក្នុងពន្ធនាគារ ចំនួន២០១នាក់ទៀតដែរ ហើយក៏មានអ្នកជាសះស្បើយ ចំនួន ១១៤៥២នាក់ទៀត ឲ្យចាកចេញពីមន្ទីរពេទ្យហើយដែរ។
ថៃមានអ្នកកើតកូវីដ១៩ ដំបូង កាលពីដើមឆ្នាំ២០២០ ដោយគិតត្រឹមព្រឹកថ្ងៃទី១២ តុលានេះ សរុប ១,៧៣០,៣៦៤នាក់ហើយ ជាសះស្បើយវិញ ១,៦០៤,៣៥៥នាក់ ស្លាប់កើនដល់ ១៧៨៣៥នាក់ហើយ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ