ព្យាករណ៍អាកាសធាតុប្រចាំសប្ដាហ៍ (Video Inside)
ភ្លៀងនឹងបន្ដធ្លាក់ក្នុងកម្រិតពីតិចទៅច្រើនថែមទៀត ក្នុងមួយសប្ដាហ៍ទៅមុខទៀតនេះ ខណៈកម្ពុជានឹងទទួល រងនូវឥទ្ធិពលជាបន្តបន្ទាប់ក្នុងនោះរួមមានឥទ្ធិពលព្យុះកុំប៉ាស៊ូ, ឥទ្ធិពលមូសុងនិវតីខ្លាំង, ប្រព័ន្ធសម្ពាធទាប, វិសម្ពាធដែលស្ថិតក្នុងសមុទ្រចិនខាងត្បូង និងឥទ្ធិពលទ្រនុងសម្ពាធខ្ពស់ចិនផងដែរ។
យោងតាមការព្យាករណ៍របស់ក្រសួងធនធានទឹកនិងឧតុនិយម បណ្ដាខត្តនៅតំបន់វាលទំនាបកណ្ដាល គឺ ខេត្ដ ប៉ៃលិន, ខេត្ដពោធិ៍សាត់, ខេត្ដកំពង់ឆ្នាំង , ខេត្ដកំពង់ស្ពឺ ខេត្ដកណ្តាល, ខេត្ដតាកែវ៉, ខេត្ដព្រៃវែង និងនៅរាជធានី ភ្នំពេញ នៅថ្ងៃទី១៣និង១៤តុលានឹងអាចមានភ្លៀងធ្លាក់ក្នុងកម្រិតបង្គួរ និងមានខ្យល់កន្ត្រាក់ក្នុងល្បឿនមធ្យម។ ចំណែក បណ្តាខេត្តជាប់ជួរភ្នំដងរែក និងខ្ពង់រាបឦសាន អាចនឹងមានភ្លៀងក្នុងកម្រិតពីខ្សោយទៅមធ្យម ។
ដោយឡែកតំបន់មាត់សមុទ្រ នោះវិញ អាចនឹងមានភ្លៀងក្នុងកម្រិតពិតិចទៅច្រើន ប៉ុន្តែ រវាងពីថ្ងៃទី១៣រហូត ដល់ថ្ងៃទី១៥ ខែតុលា អាចមានភ្លៀងច្រើន និងមានខ្យល់កន្ត្រាក់ក្នុងល្បឿនខ្លាំង និងរលកសមុទ្រខ្ពស់ ដែលមាន នៅក្នុងបណ្ដាខេត្ដកោះកុង, ខេត្ដព្រះសីហនុ ,ខេត្ដ កំពត និងខេត្ដកែប៕