វៀតណាមបន្តឆ្លងប្រចាំថ្ងៃធ្លាក់ចុះ ស្លាប់ក៏ថយចុះ
ក្រសួងសុខាភិបាលវៀតណាមបានប្រកាសរកឃើញករណីឆ្លងថ្មីៗ នៃជំងឺកូវីដ១៩ ចំនួន ២៩៤៩ករណីបន្ថែមទៀត កាលពីថ្ងៃទី១២ ខែតុលា ឆ្នាំ២០២១ ខណៈដែលតួលេខនេះត្រូវបានសង្កេតឃើញថា បន្តធ្លាក់ចុះទាំងឆ្លងថ្មី និងស្លាប់មនុស្សព្រោះជំងឺនេះ។
ប្រភពថា ក្នុងចំណោមករណីឆ្លងថ្មីៗខាងលើ មាន១០ករណីជាករណីនាំចូល ក្រៅពីនោះសុទ្ធតែជាករណីឆ្លងក្នុងស្រុកទាំងអស់ ខណៈទីក្រុងហូជីមិញ មានរហូតដល់១០១៨នាក់។ ក្រសួងក៏បានប្រកាសពីករណីអ្នកស្លាប់ថ្មី ដោយសារជំងឺដ៏កាចសាហាវនេះទេចំនួន៩៨នាក់បន្ថែមទៀតផងដែរ។
គិតត្រឹមយប់ថ្ងៃទី១២ ខែតុលា វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ៨៤៦២៣០នាក់ ក្នុងនោះអ្នកជំងឺជាសះស្បើយចំនួន ៧៨៦០៩៥នាក់ ចំណែកចំនួនអ្នកស្លាប់សរុបចំនួន ២០៧៦០នាក់៕
