គ្រាប់យុទ្ធភណ្ឌមិនទាន់ផ្ទុះចំនួន៤គ្រាប់ ត្រូវបានប្រជាពលរដ្ឋប្រទះឃើញក្នុងខេត្តចំនួន២ គឺខេត្តបាត់ដំបង និង ខេត្តកំពង់ឆ្នាំង។ សមត្ថកិច្ចបានបញ្ជាក់ថ្ងៃនេះថាគ្រាប់ទាំង៤ដែលរកឃើញនោះ រួមមានគ្រាប់បែកក្រឡាទៀប ១គ្រាប់ ផលិតនៅអតីតសហភាពសូវៀត, គ្រាប់បែកទម្លាក់MK-82 ផលិតដោយសហរដ្ឋអាមេរិក, និង២គ្រាប់ ទៀតជាប្រភេទ គ្រាប់៦០មីលីម៉ែត្រ។

សំណល់ជាតិផ្ទុះសេសសល់ពីសង្គ្រាម ជារឿយៗតែបង្កឲ្យមានមនុស្សស្លាប់ និងរងរបួស។ សេចក្តីរាយការណ៍ របស់អាជ្ញាធរមីនកម្ពុជាបានឲ្យដឹងថាក្នុងរយៈពេល៧ខែដើមឆ្នាំ២០២១នេះ មនុស្សយ៉ាងហោចចំនួន៣២នាក់ បានរងគ្រោះ ដោយសារសំណល់ជាតិផ្ទុះនានាក្នុងប្រទេសកម្ពុជានេះ។

កម្ពុជារវាងពី ឆ្នាំ២០១៨ ដល់ឆ្នាំ២០២០ បានរំដោះផ្ទៃដីគ្រាប់មីននិងគ្រាបមិនទាន់ផ្ទុះទំហំ ៤២១គីឡូម៉ែត្រក្រ ឡាស្មើនឹង៦៦ភាគរយ,  រកឃើញនិងកំ ទេចគ្រាប់មីនប្រឆាំងមនុស្សចំនួន៤ម៉ឺន៩ពាន់២៥៦គ្រាប់, មីនប្រឆាំង រថក្រោះចំនួន៩៥៦គ្រាប់, និងសំណល់ ជាតិផ្ទុះពីសង្គ្រាមចំនួន២២ម៉ឺន១ពាន់៣៧២គ្រាប់ និងការអនុវត្តផែនការ នោះរំដោះផ្ទៃដីនោះ បានជួយដល់ពលរដ្ឋប្រមាណ ២លាននាក់៕