ម៉ាឡេស៊ី និងឥណ្ឌូនេស៊ីព្រមព្រៀងក្នុងការសិក្សាបង្កើតច្រករបៀងធ្វើដំណើរ
ម៉ាឡេស៊ី និងឥណ្ឌូនេស៊ីកំពុងតែជំរុញឱ្យកិច្ចព្រមព្រៀងបង្កើតច្រករបៀងធ្វើដំណើររវាងប្រទេសទាំងពីរលេចចេញជារូបរាងនាពេលឆាប់ៗខាងមុខ ស្របពេលស្ថានភាពជំងឺកូវីដ-១៩នៅក្នុងប្រទេសទាំងពីរហាក់បីដូចជានៅស្ថេរ។ នេះបើតាមការលើកឡើងរបស់រដ្ឋមន្ត្រីការបរទេសនៃប្រទេសប្រទេសទាំងពីរក្នុងអំឡុងពេលសន្និសីទកាសែតរួមកាលពីថ្ងៃច័ន្ទ។
លោក Saifuddin Abdullah រដ្ឋមន្ត្រីការបរទេសម៉ាឡេស៊ីធ្វើដំណើរទស្សនកិច្ចដោយផ្ទាល់ទៅកាន់ប្រទេសឥណ្ឌូនេស៊ីរយៈពេល ៤ថ្ងៃ ដោយចាប់ផ្ដើមពីថ្ងៃទី១៧ទៅ។
អ្នកស្រី Retno Marsudi រដ្ឋមន្ត្រីការបរទេសឥណ្ឌូនេស៊ីបានលើកឡើងថា ដោយសារតែទំហំពាណិជ្ជកម្មរវាងប្រទេសទាំងពីរមានការកើនឡើងអំឡុងពេលមានវិបត្តិជំងឺកូវីដ-១៩ ទើបការបង្កើតច្រករបៀងធ្វើដំណើររវាងប្រទេសទាំងពីរសម្រាប់ធុរជនសំខាន់ពិតជាចាំបាច់ណាស់។
បន្ថែមពីលើនេះទៀត កិច្ចព្រមព្រៀងរវាងម៉ាឡេស៊ី និងឥណ្ឌូនេស៊ីនឹងជួយបំពេញបន្ថែមដល់ក្របខ័ណ្ឌនៃការរៀបចំច្រករបៀងធ្វើដំណើររបស់អាស៊ាន។ នេះបើតាមការលើកឡើងរបស់អ្នកស្រី។
លោក Abdullah បានបញ្ជាក់ថា ច្រករបៀងធ្វើដំណើរនេះអាចនឹងធ្វើឡើងជាដំណាក់កាលៗ ដោយដំណាក់កាលដំបូងៗធ្វើឡើងសម្រាប់ការធ្វើដំណើរចាំបាច់នានាដូចជា ដំណើរទស្សនកិច្ចផ្លូវការជាដើម។ បន្តមកទៀត ការបើកឱ្យមានការធ្វើដំណើរនឹងធ្វើឡើងបន្តិចម្ដងៗពីបើកឱ្យដើរនៅចំណុចកំណត់ណាមួយ រហូតដល់ការបើកទាំងស្រុងសម្រាប់វិស័យផ្សេងៗទៀតដូចជា វិស័យអប់រំ និងវិស័យទេសចរណ៍។
លើសពីនេះទៅទៀត ប្រទេសទាំងពីរក៏កំពុងតែត្រៀមក្នុងការទទួលស្គាល់ប័ណ្ណចាក់វ៉ាក់សាំងគ្នាទៅវិញទៅមកផងដែរ៕
ប្រភព៖ CNA