មីយ៉ាន់ម៉ានឹងដោះលែងអ្នកទោសចំនួន ៥.០០០ នាក់ពាក់ព័ន្ធការតវ៉ាប្រឆាំងនឹងរដ្ឋប្រហារ
រដ្ឋាភិបាលមីយ៉ាន់ម៉ា បាននិយាយថាខ្លួននឹងដោះលែងអ្នកទោសជាង ៥.០០០ នាក់ ដែលជាប់គុកដោយសារការតវ៉ាប្រឆាំងនឹងរដ្ឋប្រហារកាលពីខែកុម្ភៈ។ មនុស្សរាប់ពាន់នាក់ត្រូវបានឃុំខ្លួនក្នុងអំឡុងពេលធ្វើបាតុកម្មបង្ហូរឈាមបន្ទាប់ពីមេដឹកនាំយោធាដណ្តើមអំណាច។ មេដឹកនាំធ្វើរដ្ឋប្រហារ លោកមីន អ៊ុងឡាំង បាននិយាយថាអ្នកទោសចំនួន ៥.៦៣៦ នាក់នឹងត្រូវដោះលែងដោយហេតុផលមនុស្សធម៌។
វាកើតឡើងប៉ុន្មានថ្ងៃ បន្ទាប់ពីឧត្តមសេនីយ៍ លោកមីន អ៊ុងឡាំងត្រូវបានគេដកចេញពីកិច្ចប្រជុំកំពូលប្រចាំឆ្នាំ របស់មេដឹកនាំតំបន់ដែលបាននិយាយថា យោធាមិនបានធ្វើនិងបំពេញកាតាព្វកិច្ចគ្រប់គ្រាន់ដើម្បីបញ្ចប់ភាពចលាចលក្នុងប្រទេសនោះទេ។
សមាគមប្រជាជាតិអាស៊ីអាគ្នេយ៍ (អាស៊ាន) បានយល់ព្រមអញ្ជើញអ្នកតំណាង ដែលមិនមែនជាអ្នកនយោបាយមកពីប្រទេសមីយ៉ាន់ម៉ាមកជំនួសលោកឧត្តមសេនីយ៍ អ៊ុងឡាំង។មនុស្សយ៉ាងតិច ១.១៧៨ នាក់ត្រូវបានគេសម្លាប់និងមានជាង ៧.៣៥៥ នាក់ត្រូវបានចាប់ខ្លួនដោយសារបទចោទប្រកាន់ឬផ្តន្ទាទោសក្នុងកំឡុងពេលបង្រ្កាបការប្រឆាំងដែលធ្វើឱ្យលោកស្រី អ៊ុងសាន ស៊ូជីត្រូវបានបណ្តេញចេញពីអំណាចនេះបើយោងតាមសមាគមជំនួយសម្រាប់អ្នកទោសនយោបាយ។
ឧត្តមសេនីយ៍រូបនេះបាននិយាយថា អ្នកទោសនឹងត្រូវបានដោះលែងដើម្បីអបអរសាទរពិធីបុណ្យវិសាខបូជានៅចុងខែតុលាខាងមុខនេះ។នេះគឺជា សម្បទានដ៏សំខាន់បំផុតដែលធ្វើឡើងដោយឧត្តមសេនីយ៍ មីយ៉ាន់ម៉ារូបនេះចាប់តាំងពីពួកគេបានដណ្តើមអំណាចកាលពី ៨ ខែមុន។ ហើយវាមិនមែនជារឿងចៃដន្យទេ ដែលការបន្ធូរបន្ថយនេះត្រូវបានធ្វើឡើងភ្លាមៗបន្ទាប់ពីមានភាពអាម៉ាស់ផ្នែកការទូតដ៏គឺលោកត្រូវបានគេរារាំងមិនឱ្យចូលរួមកិច្ចប្រជុំកំពូលដ៏ធំបំផុតរបស់តំបន់ដោយអាស៊ាន មិនធ្លាប់មាន វិធានការខ្លាំងក្លាបែបនេះតេចំពោះប្រទេសជាសមាជិក។
ប្រភព៖ BBC
