វៀតណាម៖ ស្លាប់៧២នាក់ ករណីឆ្លងថ្មី ៣៦៣៥នាក់ទៀត
វៀតណាមបានរកឃើញវិជ្ជមានកូវីដ១៩ ថ្មីៗ ចំនួន៣៦៣៥នាក់ និងស្លាប់៧២នាក់ទៀត កាលពីថ្ងៃពុធទី២០ តុលា ម្សិលមិញ កើនឡើង៦០៨ករណី បើធៀបនឹងកាលពីម្សិលម្ងៃ។
ក្រសួងសុខាភិបាលវៀតណាមថា ករណីថ្មីៗនេះ រកឃើញនៅក្នុងខេត្ត ក្រុង ចំនួន៥០ ក្នុងនោះ ហូជីមិញ ច្រើនជាងគេ ជាង១ពាន់នាក់ ក្រៅពីនេះ ប៊ីញឌុង និងឌុងណៃ ក៏ច្រើនដែរ។
វៀតណាមមានអ្នកកើតជំងឺកូវីដ១៩ កើនដល់ ចំនួន៨៧៣៩០១នាក់ហើយ ស្លាប់វិញ កើនដល់ ២១៤១៦នាក់ អ្នកជំងឺត្រូវបានព្យាបាលឲ្យជាសះស្បើយវិញ កើនដល់ ៧៩៦៥៨៣នាក់ហើយ។
ប្រជាពលរដ្ឋវៀតណាមជាង៤៨លាននាក់បានទទួលការចាក់វ៉ាក់សាំង យ៉ាងហោចណាស់ ១ដូស ខណៈការចាក់គ្រប់២ដូស មាន១៩.១លាននាក់ហើយ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ