វៀតណាមវិជ្ជមានកូវីដ ជាង៤ពាន់នាក់ទៀត និងស្លាប់៥៣នាក់
ក្រសួងសុខាភិបាលវៀតណាមបានប្រកាសរកឃើញករណីឆ្លងថ្មីៗ នៃជំងឺកូវីដ១៩ ចំនួន៤,០៤៥ករណីបន្ថែមទៀត កាលពីថ្ងៃទី២៤ តុលាម្សិលមិញ។ ក្នុងចំណោមករណីខាងលើ មាន១៧ករណីជាករណីនាំចូល ក្រៅពីនោះជាករណីឆ្លងក្នុងស្រុកទាំងអស់ ខណៈទីក្រុងហូជីមិញដែលជាចំណុចកណ្តាល នៃការផ្ទុះរីករាលនៃជំងឺនេះបានរ៉ាប់រងករណីឆ្លងថ្មីតែឯងរហូតដល់៩៦៦នាក់។
ក្រសួងសុខាភិបាលវៀតណាមក៏បានប្រកាសពីករណីអ្នកស្លាប់ថ្មី ដោយសារជំងឺដ៏កាចសាហាវនេះទេចំនួន៥៣នាក់បន្ថែមទៀតផងដែរ។
គិតត្រឹមយប់ថ្ងៃទី២៤ ខែតុលា វៀតណាមមានករណីកូវីដ-១៩ ៨៨៨,៩៤០នាក់ ក្នុងនោះ អ្នកជំងឺជាសះស្បើយចំនួន ៨០៥,៩៧៨នាក់ ចំណែកចំនួនអ្នកស្លាប់សរុបចំនួន ២១,៦៧៣នាក់៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
