អង្គការសុខភាពពិភពលោក និងដៃគូជំនួយបង្ហាញផែនការមានទំហំទឹកប្រាក់ ២៣.៤ពាន់លានដុល្លារ ដើម្បីប្រយុទ្ធប្រឆាំងនឹងជំងឺកូវីដ-១៩
ហ្សឺណែវ៖ អង្គការសុខភាពពិភពលោក (WHO) និងដៃគូជំនួយដទៃទៀតបានដាក់ចេញផែនការដែលមានទំហំទឹកប្រាក់ ២៣.៤ប៊ីលានដុល្លារ ដើម្បីនាំយកវ៉ាក់សាំងបង្ការជំងឺកូវីដ១៩ ការធ្វើតេស្ត និងថ្នាំព្យាបាលដល់ប្រទេសក្រីក្រនៅឆ្នាំក្រោយនេះ ហើយក៏បានអំពាវនាវអោយមេដឹកនាំប្រទេស G20 ដែលជួបប្រជុំកំពូលចុងសប្តាហ៍នេះផ្តល់មូលនិធិផងដែរ។
ស្របពេលជាមួយគ្នានេះដែរ បេសកជនពិសេសរបស់អង្គការសុខភាពពិភពលោក WHO នៅស្ថាប័ន ACT-A បាននិយាយថា សំណើរនេះមានថវិកាចំនួន២៣.៤ពាន់លានដុល្លារ។ កញ្ចប់ថវិកានេះគឺមានចំនួនច្រើន ប៉ុន្តែប្រសិនបើអ្នកប្រៀបធៀបជាមួយនឹងការខូចខាតដែលប៉ះពាល់ដល់សេដ្ឋកិច្ចពិភពលោកដោយសារតែជំងឺរាតត្បាតនោះ វាពិតជាមិនច្រើនឡើយ។ ដូច្នេះយើងសង្ឃឹមលើសញ្ញាដ៏ខ្លាំងពីប្រទេស G20 ដែលនឹងប្រជុំនៅទីក្រុងរ៉ូមចុងសប្តាហ៍នេះ។
គួរបញ្ជាក់ថា មហិច្ឆតារបស់ផែនការដែលបង្ហាញពីយុទ្ធសាស្ត្រ នៃការទទួលបានឧបករណ៍ល្បឿនកូវីដ១៩ (ACT-A) រហូតដល់ខែកញ្ញា ឆ្នាំ២០២២ ត្រូវបានគេរំពឹងថា នឹងរាប់បញ្ចូលទាំងការប្រើប្រាស់ថ្នាំគ្រាប់ព្យាបាលជំងឺកូវីដរបស់ក្រុមហ៊ុន Merck & Co ដែលព្យាបាលជំងឺកូវីដ១៩កម្រិតស្រាល និងមធ្យម។ ផែនការនេះបានអោយដឹងថា ប្រសិនបើថ្នាំគ្រាប់ព្យាបាលជំងឺកូវីដទទួលបានការអនុម័តជាផ្លូវការពីនិយ័តករឱសថនោះ តម្លៃក្នុង១សិតត្រឹមតែ១០ដុល្លារប៉ុណ្ណោះ៕ ប្រភព៖ CNA