នាយករដ្ឋមន្ត្រីថៃចាក់ Pfizer ជាដូសជំរុញ
លោកនាយករដ្ឋមន្ត្រីថៃ ប្រាយុទ្ធ ចាន់អូចា កាលពីថ្ងៃទី២៨ តុលា ម្សិលមិញបានទទួលការចាក់វ៉ាក់សាំង Pfizer ផលិតនៅអាមេរិក ជាដូសទី៣ ឬដូសជំរុញនោះ។
ទីភ្នាក់ងារព័ត៌មានបាងកកប៉ុស្តិ៍បានចេញផ្សាយថា លោកនាយករដ្ឋមន្ត្រីបានចាក់វ៉ាក់សាំងនេះ មុនពេលទៅចូលរួមកិច្ចប្រជុំស្តីពីបញ្ហាអាកាសធាតុកម្រិតពិភពលោក នៅក្រៅប្រទេស នាពេលខាងមុខ។ លោកប្រាយុទ្ធក៏ត្រូវចូលរួមកិច្ចប្រជុំ ត្រីកោណ IMT-GT លើកទី១៣ រវាងឥណ្ឌូនេស៊ី ម៉ាឡេស៊ី និងថៃដែរ។
ប្រភពថា លោកទទួលការចាកវ៉ាក់សាំង នៅវិមានរដ្ឋាភិបាល ចាក់ដោយមន្ត្រីជាន់ខ្ពស់ ក្រសួងសុខាភិបាល។
លោក ប្រាយុទ្ធ បានចាក់ដូសទី១ កាលពីថ្ងៃទី១៦ មីនា ដូសទី២ កាលពីថ្ងៃទី២៤ ឧសភា មុនពេលបានចាក់ដូសទី៣នេះ៕
