វៀតណាមក្លាយជាដៃគូពាណិជ្ជកម្មធំជាងគេរបស់អង់គ្លេស ក្នុងប្លុកអាស៊ាន
ក្នុងចំណោមបណ្តាប្រទេសទាំងអស់នៅសហគមន៍អាស៊ាន វៀតណាមបានក្លាយជាដៃគូពាណិជ្ជកម្មដ៏ធំបំផុតរបស់អង់គ្លេស នេះបើតាមការចេញផ្សាយរបស់ទីភ្នាក់ងារសារព័ត៌មាន thaipbs ។
ការនេះបានកើតឡើង ក្រោយពេលវៀតណាមនិងចក្រភពអង់គ្លេសបានចុះកិច្ចព្រមព្រៀងកិច្ចសហប្រតិបត្តិការ ចំនួន២៦ឯកសារ ក្របដណ្តប់លើវិស័យពាណិជ្ជកម្ម កសិកម្ម អប់រំ ថាមពល និង បរិស្ថាន ជាដើម ដោយពិធីចុះហត្ថលេខាត្រូវបានធ្វើឡើង កាលពីពេលថ្មីៗនេះ ហើយបើកគិតពីតម្លៃនៃកិច្ចព្រមព្រៀងទាំងនេះ មានរាប់សិបពាន់លានដុល្លារអាមេរិក។
នាកម្មវិធី កាលពីថ្ងៃចន្ទ ដើមសប្តា៍នេះដែរ ក្រុមហ៊ុនអាកាសចរវៀតណាម Vietjet Air និង ក្រុមហ៊ុន Rolls-Royce Group របស់អង់គ្លេសក៏បានចុះកិច្ចព្រមព្រៀងជាមួយគ្នា ទាក់ទងនឹងការផ្គត់ផ្គង់គ្រឿងម៉ាស៊ីន និងសេវាកម្មគ្រឿងម៉ាស៊ីនសម្រាប់យន្តហោះ មានតម្លៃ៤០០លានដុល្លារអាមេរិក ខណៈដែលក្រុមហ៊ុនOVICO និង HDBank បានចុះព្រមព្រៀងរាប់រយលានដុល្លារអាមេរិក ជាមួយបណ្តាដៃគូរបស់អង់គ្លេសទៀតផង៕
