ថ្ងៃនេះ! ឡាវប្រកាសពីឆ្លងកូវីដខ្ពស់ដ៏ខ្លាំង ពុំធ្លាប់មាន
ក្រសួងសុខាភិបាលឡាវនៅថ្ងៃពុធ ទី០៣ ខែវិច្ឆិកា ឆ្នាំ២០២១ បានរាយការណ៍ពីការរកឃើញករណីឆ្លងជំងឺ COVID-19 ថ្មីៗចំនួន ១,០៦២ករណីបន្ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាចំនួនករណីឆ្លងប្រចាំថ្ងៃខ្ពស់បំផុតមិនធ្លាប់មានពីមុនមក គិតចាប់តាំងពីជំងឺឆ្លងរាតត្បាតដ៏កាចសាហាវនេះ បានចាប់ផ្ដើមផ្ទុះឡើងកាលពីខែមីនា ឆ្នាំ២០២០កន្លងទៅនេះ។
ក្នុងចំណោមករណីឆ្លងថ្មីៗខាងលើ មាន ១,០៥៣ករណី ជាករណីឆ្លងក្នុងសហគមន៍ និង ០៩ករណីទៀត ជាករណីនាំចូល។ ក្រៅពីនេះ អ្នកជំងឺចំនួន ០៣នាក់ផ្សេងទៀត ក៏ត្រូវបានរាយការណ៍ថាស្លាប់ផងដែរ ក្នុងរយៈពេល ២៤ម៉ោងចុងក្រោយដូចគ្នា។
គួរបញ្ជាក់ថា រហូតមកទល់ពេលនេះ ឡាវមានករណីឆ្លងជំងឺ COVID-19 សរុបនៅទាំងប្រទេសចំនួន ៤២,៨៩១ករណី ក្នុងនោះមានអ្នកស្លាប់ ៧៣នាក់៕
