សម្តេចនាយករដ្ឋមន្ត្រីហ៊ុនសែន បានទទួលជួបរដ្ឋមន្ត្រីការបរទេសអូស្ត្រាលី ក្នុងការសម្តែងក្តីគួរសមខណៈ បំពេញទស្សនកិច្ចជាផ្លូវការក្នុងប្រទេសកម្ពុជា។

ប្រមុខរាជរដ្ឋាភិបាលកម្ពុជាបានថ្លែងថា ដំណើរទស្សនកិច្ច របស់លោកស្រី ម៉ារីស ផេន ដែលជារដ្ឋមន្រ្ដី កិច្ចការនារីអូស្រ្ដាលីផងដែរនោះ គឺផ្តោតលើបញ្ហាទ្វេភាគី, បញ្ហា ក្នុងតំបន់និងបញ្ហាក្រៅតំបន់, បញ្ហាពាក់ព័ន្ធនឹងសម្ព័ន្ធភាពត្រីភាគី AUKUS អាមេរិក អង់គ្លេស អូស្ត្រាលី ដែល ប្រទេសក្នុងតំបន់ព្រួយបារម្ភជុំវិញការរត់ប្រណាំងប្រជែងគ្រឿងសព្វាវុធជាពិសេសអាវុធនុយក្លែអ៊ែ័រ និងការ ជជែកលើកកិច្ចការពាក់ព័ន្ធនានាដែលកម្ពុជានឹងធ្វើជាប្រធានអាស៊ានឆ្នាំ២០២២៕