តួលេខអ្នកព្យាបាលជាសះស្បើយពីជម្ងឺកូវីដ១៩នៅថ្ងៃនេះ មានចំនួនច្រើនជាងអ្នកឆ្លង។ ក្នុងរយៈពេល២៤ ម៉ោងកន្លងមកនេះ, អ្នកព្យាបាលជាសះស្បើយមានចំនួន៦៧នាក់, ចំណែកអ្នកឆ្លងមានចំនួន៦៣នាក់។ 

ការឆ្លងថ្មី៦៣នាក់នៅថ្ងៃនេះ រួមមាន៥៥នាក់ ជាការឆ្លងចូលក្នុងសហគមន៍ និង៨នាក់ គឺជាការឆ្លងមកពីក្រៅ ប្រទេស។ កម្ពុជាគិតត្រឹមថ្ងៃទី១២ ខែវិច្ឆិកា ការ ឆ្លងសរុបទូទាំង ប្រទេសមានចំនួន១១ម៉ឺន៩ពាន់៤២១នាក់, ចំណែកការព្យាបាលជាសះស្បើយមានចំនួន ១១ ម៉ឺន ៥ពាន់៧៩៧នាក់។

តួលេខអ្នកឆ្លងកំពុងស្ថិតក្នុងមន្ទីរពេទ្យ គិតត្រឹមថ្ងៃនេះ នៅសល់ចំនួន៣ពាន់៦២៤នាក់ទៀត។ ចំណែកការស្លាប់ ថ្មីមានចំនួន៦នាក់ក្នុងនោះអ្នកមិនបាន ចាក់វ៉ាក់សាំងមានចំនួន៤នាក់ ដែលនាំឲ្យការស្លាប់សារុបមានចំនួន២ពាន់៨៥៦នាក់។