គណៈសង្ឃនាយកគណៈមហានិកាយនៃព្រះរាជាណាចក្រកម្ពុជា បានប្រោសប្រទានគោរមងារ “មហាឧបាសិកាពុទ្ធសាសនូបត្ថម្ភ” ដល់ពុទ្ធសាសនិកជនមួយរូបទៀត ដែលជាអ្នកមានគុណបំណាច់ខ្ពង់ខ្ពស់លើ វិស័យ ព្រះពុទ្ធសាសនា។

គោរមងារ “មហាឧបាសិកាពុទ្ធសាសនូបត្ថម្ភ” គឺជាគោរមងារដ៏ខ្ពង់ខ្ពស់មួយដែលនៅទូទាំងព្រះរាជាណាចក្រកម្ពុជា ពុទ្ធសាសនិកជនដែលទទួលបានគោរមងារ្យនេះ មានចំនួនតែប្រមាណជាង១៣០ នាក់ប៉ុណ្ណោះ។

មហាឧបាសិកា ទូច សុន ដែលមានគុណបំណាច់ខ្ពស់លើព្រះពុទ្ធសាសនា និងមានស្នាដៃ ជួយ ផ្គត់ផ្គង់ដល់ព្រះសង្ឃ និងកសាងសមិទ្ធផលជាច្រើននៅតាមទីវត្តអារាម ត្រូវបានគណៈសង្ឃនាយកគណៈមហា និកាយនៃព្រះរាជាណាចក្រកម្ពុជា បានប្រោសប្រទានគោរមងារ “មហាឧបាសិកាពុទ្ធសាសនូបត្ថម្ភ” នេះនៅ ក្នុងព្រះរាជពិធីមួយកាលពីថ្ងៃទី២១វិច្ឆិកា៕