កែប ៖ បន្ទាប់ពីមានគ្រោះថ្នាក់ចរាចរណ៍ជាច្រើនលើក នៅក្នុងភូមិសាស្ត្រខេត្តកែប មន្ត្រីជំនាញនិងអាជ្ញាធរ ចុះធ្វើការអប់រំដល់ក្រុមហ៊ុនឡានដឹកដី ដែលបើកក្នុងល្បឿនលឿនមិនគ្រប និងវ៉ាជែង បើមិនគោរពតាមការណែនាំរបស់អាជ្ញាធរ និងមន្ត្រីជំនាញនោះទេ ត្រូវតែមានវិធានការតាមច្បាប់ ។

ទោះបីធ្វើការអប់រំយ៉ាងណា ក៏ដោយ មហាជននៅតែឆ្ងល់ ហេតុអ្វីអាជ្ញាធរ បានប្រាប់ជាច្រើនលើកហើយ តែខាងក្រុមហ៊ុនមិនអនុវត្តតាមការណែនាំ របស់អាជ្ញាធរឡើយ នៅតែបន្តបើកលឿន វ៉ាជែង តែងបណ្ដាលឱ្យមានការរងគ្រោះថ្នាក់ដល់ប្រជាពលរដ្ឋ ។

ខាងសារព័ត៌មាន យើងមិនអាចសុំការបំភ្លឺ ពីអាជ្ញាធរនិងក្រុមហ៊ុនបាននោះទេ ដោយសារទូរស័ព្ទរបស់គាត់មិនអាចទំនាក់ទំនងបាន ៕