ព្រៃវែង៖ ក្នុងពិធីសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ ១១ (អ្នកលឿង-ថ្នល់ទទឺង) នៅព្រឹកថ្ងៃទី៦ ខែធ្នូ ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបន្តណែរនាំឱ្យអាជ្ញាធរ យកចិត្តទុកដាក់ដល់ប្រជាពលរដ្ឋ ខណៈអាកាសធាតុចុះត្រជាក់ខ្លាំង អូសបន្លាយយូរ ។

សម្តេចតេជោ ហ៊ុន សែន បានបញ្ជាក់ថា អាកាសធាតុស្រុកយើងចុះត្រជាក់រហូតដល់ខែកុម្ភៈឯណោះ ដូច្នេះអាជ្ញាធរគ្រប់ជាន់ថ្នាក់ គណៈពង្រឹងដែលចុះមូលដ្ឋាន ត្រូវយកចិត្តទុកដាក់ផ្តល់ភួយ អាវរងា ដល់ជនចាស់ជរា ពលរដ្ឋដែលគ្មានក្រុមគ្រួសារ។

សម្តេចតេជោ ហ៊ុន សែន តែងតែគិតគូរជានិច្ចអំពីសុខទុក្ខប្រជាពលរដ្ឋ ដែលជាក់ស្តែង សម្តេចតេជោ ហ៊ុន សែន បានបង្ហាញពីការយកចិត្តទុក្ខដាក់ថា ខ្ញ៉ំតែងតែលើកឡើងម្តងហើយម្តងទៀតតាំងពីដើមរៀងមក មិនឱ្យពលរដ្ឋណាម្នាក់ស្លាប់ដោយអត់បាយនោះទេ ត្រូវយកចិត្តទុក្ខដាក់គ្រប់កាលៈទេសៈ៕ ដោយ វណ្ណលុក