ថៃបន្តរកឃើញករណីបំប្លែងខ្លួនថ្មី អូមីក្រុង
គិតត្រឹមរសៀលថ្ងៃទី៩ ខែធ្នូ ឆ្នាំ២០២១ ថៃមានករណីកូវីដ១៩ បប្លែងថ្មី អូមីក្រុង ចំនួន៤នាក់ហើយ ខណៈដែលករណីទី៤ គឺជាបុរសជនជាតិថៃម្នាក់ទៀត ដែលទើបតែត្រឡប់មកពីប្រទេសកុងហ្គោ។
កាលពីថ្ងៃទី៦ ធ្នូកន្លងទៅ ប្រទេសថៃក៏បានប្រកាសអំពីការកឃើញករណីដំបូងនៃការឆ្លងវីរុសកូវីដ១៩ ដ៏កាចសាហាវបំប្លែងថ្មី ប្រភេទ អូមីក្រុងនៅក្នុងប្រទេសរបស់ខ្លួនជាលើកដំបូងទៅលើបុរសជនជាតិថៃ សញ្ជាតិអាមេរិកាំង ដោយបុរសរូបនេះ បានធ្វើដំណើរមកពីប្រទេសអេស៉្បាញ។
កាលពីថ្ងៃទី៨ ធ្នូ ស្ត្រីជនជាតិថៃទាំងពីរនាក់ ដែលត្រឡប់មកពីប្រទេសនីហ្សេរីយ៉ា ទីមួយមានអាយុ៤៦ឆ្នាំនិងម្នាក់ទៀតមានអាយុ៣៦ឆ្នាំ មានអាជីពជាអ្នកបកប្រែភាសានៅក្នុងវិហារសាសនាគ្រិស និង អ្នកទាំងពីរក៏មិនទាន់បានចាក់វ៉ាក់សាំងបង្ការកូវីដ១៩សូម្បីតែមួយដូសផងដែរ ក៏ត្រូវបានតែស្តរកឃើញភាគរយខ្ពស់នៃការឆ្លងរោគកូវីដ១៩ដ៏កាចសាហាវបំប្លែងខ្លួនថ្មីអូមីក្រុងនេះផងដែរ៕