អ្នកចាក់វ៉ាក់សាំងដូសទី៣មានជាង២ម៉ឺននាក់ក្នុងរយៈពេល២៤ម៉ោង (Video Inside)
តួលេខអ្នកចាក់វ៉ាក់សាំងដូសទី៣ រយៈពេល២៤ម៉ោងចុងក្រោយនេះមានជាង២ម៉ឺននាក់។ កម្ពុជាកំពុងជម្រុញ ការចាក់វ៉ាក់សាំងដូសទី៣ក្នុងស្ថានភាពដែលពិភពលោកកំពុងបារម្ភឆ្លងការរាលដាលលឿននេះវីរុសបំប្លែងថ្មី អូមីក្រុង។
ការចាក់ដូសជម្រុញ ត្រូវគេចាត់ទុកថា គឺជាមធ្យោបាយមួយដែលអាចជួយទប់ទល់នឹងការឆ្លងនឹងវីរុស បំប្លែងថ្មីអូមីក្រុង ។ កម្ពុជាក្នុងចំណោមពលរដ្ឋ១៦លាននាក់ បើទោះបីគិតត្រឹមថ្ងៃនេះ ការចាក់វ៉ាក់សាំងទូទាំង ប្រទេសបានសម្រេច ៨៩,០៣ភាគរយក៏ដោយ ប៉ុន្តែក្នុងចំណោមនោះ, អ្នកបានចាក់វ៉ាក់សាំងដូសទីបីឬដូស ជម្រុញនោះ ទើបតែបានចំនួន ៣លាន៣សែន៩ម៉ឺន ២ពាន់ ៥១៩នាក់ បន្ទាប់ពីមានការចាក់២៤ម៉ោងចុង ក្រោយនេះចំនួន២ម៉ឺន៧ពាន់១៣០នាក់បន្ថែមទៀតនោះ។
ក្នុងការជម្រុញយុទ្ធនាការចាក់វ៉ាក់សាំងដូសទីបីនេះ ផងដែរ រដ្ឋបាលរាជធានីភ្នំពេញបានប្រកាសឱ្យដឹងដែរថា យុទ្ធនាការចាក់វ៉ាក់សាំងដូសទីបី លើកុមារនិងយុវ វ័យអាយុរវាងពី១២ទៅ១៧ឆ្នាំក្នុងរាជធានី នឹងចាប់ផ្តើមចាប់ពីថ្ងៃទី៣ មករាឆ្នាំ២០២២ ខាងមុខនេះហើយ៕