ដីឥដ្ឋ ៖ លោកជំទាវ ឧត្តមសេនីយ៍ឯក ថន សុវណ្ណច័ន្ទខេម៉ា អនុប្រធានបណ្ឌិត្យសភានគរបាលកម្ពុជា អញ្ជើញដឹកនាំកិច្ចប្រជុំលើរបៀបវារៈចំនួន២ ដោយមានការចូលរួមពីលោកនាយក លោក លោកស្រីនាយករង លោកនាយការិយាល័យនិងមន្រ្តីជាច្រើនរូប។

ជាកិច្ចចាប់ផ្តើម លោកជំទាវប្រធានអង្គប្រជុំ បានសម្តែងការស្វាគមន៍ដល់សមាជិកនៃអង្គបប្រជុំ និងបានអនុញ្ញាតឲ្យលោកឧត្ដមសេនីយ៍ឯក នាយកសាលាអាននូវរបាយការណ៍ទាំង២របស់សាលា។

បន្ទាប់ពីបានស្តាប់នូវរបាយការណ៍ដែលអានដោយ លោកឧត្តមសេនីយ៍ឯក ភុន សុផល នាយកសាលារួចមក លោកជំទាវប្រធានអង្គប្រជុំ បានកែលម្អរនូវចំណុចខ្វះខាតមួយចំនួននិងបានណែនាំដល់អង្គប្រជុំនូវការងារមួយចំនួនដូចខាងក្រោម៖

• ត្រូវត្រួតពិនិត្យឲ្យបានគ្រប់ជ្រុងជ្រោយ ទៅលើទម្រង់ ខ្លឹមសារ និងអក្ខរាវិរុទ្ធមុននឹងចុះហត្ថលេខាបញ្ជូនចេញ
• ត្រូវបូកសរុបលទ្ធផលតាមទិសដៅនិងសកម្មភាពនីមួយៗឲ្យបានត្រឹមត្រូវ
• ត្រៀមការបែងចែកមន្រ្តីសម្រាប់គ្រប់គ្រងសិក្ខាកាមនិងមន្រ្តីគ្រប់គ្រងរូបភាព
• បន្តពង្រឹងវិន័យមន្រ្តីសាលានិងចូលរួមអនុវត្តគោលការណ៍ប្រឡងប្រណាំងនិងថែទាំបរិស្ថាន
• បន្តរៀចំកែសម្រួលកម្មវិធីអប់រំថ្មីនិងកម្មវិធីអប់រំដែលមានស្រាប់
• ត្រូវបង្កើនសាមគ្គីភាពផ្ទៃក្នុងដើម្បីបង្កើនប្រសិទ្ធភាពការងារ និង
• ត្រូវអនុវត្តវិធានការថែរក្សាសុខភាពតាមការណែនាំរបស់ក្រសួងសុខាភិបាល ៣កុំ ៣ការពារ៕ដោយ-រ៉ាវុធ