រាជធានីភ្នំពេញ៖ ការប្រឡងសញ្ញាបត្រមធ្យមសិក្សាទុតិយភូមិឬហៅថាបាក់ឌុប សម័យប្រឡងថ្ងៃទី ២៧ ធ្នូ ២០២១ន នៅព្រឹកថ្ងៃទី២នេះរក្សាបាននូវដំណើរការល្អទាំងម៉ោងទី១និងទី២។ ក្រសួងអប់រំបានឱ្យដឹងថាតាមមណ្ឌលប្រឡងនានា នៅតែរក្សាបាននូវភាពស្ងប់ស្ងាត់ ដោយរក្សាបាននូវសណ្ដាប់ធ្នាប់របៀបរៀបរយល្អទាំងនៅក្នុងនិងក្រៅមណ្ឌលប្រឡង ថ្វីត្បិតនៅតាមបណ្ដាខេត្តមួយចំនួនមានភ្លៀងធ្លាក់ ប៉ុន្តែដំណើរការប្រឡងបានប្រព្រឹត្តទៅតាមពេលវេលាដែលបានកំណត់។

ដោយឡែកសម្រាប់ការបើកហឹបវិញ្ញាសា នៅតាមមណ្ឌលប្រឡងទាំងអស់នាព្រឹកនេះដែរ ដោយមានការអញ្ជើញចូលរួមពីគណៈមេប្រយោគទូទាំងប្រទេស គណៈកម្មការអប្បមាទទូទាំងប្រទេស ជំនួយការអប្បមាទ ប្រធាន-អនុប្រធាននៅតាមមណ្ឌល។
សូមបញ្ជាក់ថាចំពោះដំណើរការសំណេរនាព្រឹកនេះមានពីរមុខវិជ្ជាគឺ៖ សម្រាប់ថ្នាក់វិទ្យាសាស្ត្រ ( អក្សរសាស្ត្រខ្មែរ និង រូបវិទ្យា) សម្រាប់ថ្នាក់វិទ្យាសាស្ត្រសង្គម (គណិតវិទ្យា និង សីលធម៌-ពលរដ្ឋវិជ្ជា)៕ដោយ៖ម៉ាដេប៉ូ