សម្តេចតេជោ ហ៊ុន សែន កំពុងបំពេញទស្សនកិច្ច២ថ្ងៃក្នុងប្រទេសមីយ៉ាន់ម៉ា ដើម្បីស្វែងរកភាពផ្សះផ្សារទំនាស់ ផ្ទៃក្នុង ប្រយោជន៍នាំមកវិញនូវការរកសម្លេងអាស៊ាន ឱ្យក្លាយមកជាសម្លេងកុងសង់ស៊ុស១០ដូចដើមវិញ។

សម្តេចតេជោ ហ៊ុន សែន គឺជាមេដឹកនាំលើកដំបូងបំផុតក្នុងដំណើរ ទស្សនកិច្ចប្រទេសមីយ៉ាន់ម៉ា បន្ទាប់ពីប្រទេស នេះ ត្រូវបានរងសម្ពាធក្រោយព្រឹត្តិការណ៍ថ្ងៃទី១កុម្ភៈឆ្នាំ២០២១ ដែលមានការចាប់ខ្លួនលោកស្រី អង់ សានស៊ូជី។

ដំណើរទស្សនកិច្ចថ្ងៃទី៧និង៨មករានេះ បានអញ្ជើញអមដំណើរដោយមន្ត្រីគន្លឺះសំខាន់ៗមួយចំនួន ក្នុងនោះរួម រដ្ឋមន្ត្រីក្រសួងការបរទេសលោក ប្រាក់ សុខុន និងលោករដ្ឋមន្ត្រី ចម ប្រសិទ្ធ នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ផងដែរ។