ផ្ទុះជំងឺគ្រុនផ្តាសាយជ្រូកអាហ្វ្រិចនៅថៃ កំពុងសម្លា.ប់ជ្រូកយ៉ាងរង្គាល
អាជ្ញាធរថៃ និយាយនៅថ្ងៃអង្គារ ទី១១ មករា នេះថា ខ្លួនបានរកឃើញជំងឺគ្រុនផ្តាសាយជ្រូកអាហ្វ្រិច (African Swine Fever) បន្ទាប់ពីបានធ្វើតេស្តលើសំណាកនៅទីសត្វឃា.តមួយកន្លែងស្ថិតក្នុងខេត្ត Nakhon Pathom។
អាជ្ញាធរបានធ្វើការស៊ើបអង្កេតអំឡុងចុងសប្តាហ៍កន្លងទៅនេះ ក្រោយពេលមានការលើកឡើងក្នុងរយៈពេលប៉ុន្មានសប្តាហ៍ថ្មីៗនេះថា ជំងឺគ្រុនផ្តាសាយជ្រូកនេះកំពុងសម្លា.ប់ជ្រូកថៃយ៉ាងរង្គាល ចំពេលមានការចោទប្រកាន់ពីការលាក់បាំងព័ត៌មាន។
សំណាកមួយត្រូវបានធ្វើតេស្តរកឃើញមានជំងឺគ្រុនផ្តាសាយជ្រូកអាហ្វ្រិច ក្នុងចំណោមសំណាកចំនួន ៣០៩ដែលអាជ្ញាធរបានប្រមូល រួមមានសំណាកឈា.មពីជ្រូកនៅកសិដ្ឋានចំនួន ១០កន្លែង និងនៅទីសត្វឃា.តចំនួន២កន្លែង ក្នុងខេត្តចិញ្ចឹមជ្រូក។ នេះបើយោងតាមការបញ្ជាក់របស់លោក Sorravis Thaneto អគ្គនាយកនៃនាយករដ្ឋានអភិវឌ្ឍន៍បសុសត្វ។
«ពួកយើងរកឃើញសំណាកមួយមានផ្ទុកជំងឺគ្រុនផ្តាសាយជ្រូកអាហ្វ្រិច»។ នេះជាការបញ្ជាក់របស់លោកប្រាប់សន្និសីទនៅថ្ងៃអង្គារនេះ។ លោកបានប្តេជ្ញាតាមដានប្រភពនៃជំងឺនេះ។
ការប្រកាសនេះកើតឡើង ក្រោយពេលអាជ្ញាធរថៃបានធ្វើការបដិសេធជាច្រើនឆ្នាំមកហើយចំពោះការផ្ទុះជំងឺដ៏សាហា.វនេះក្នុងស្រុកដែលជំងឺនេះបានរាតត្បាតទូទាំងអ៊ឺរ៉ុប និងអាស៊ីក្នុងរយៈពេលប៉ុន្មានឆ្នាំចុងក្រោយនេះ និងបានសម្លា.ប់ជ្រូករាប់លានក្បាល។
ការប្រកាសពីការរកឃើញកើតឡើង ក្រោយសកលវិទ្យាល័យ Kasetsart បាននិយាយថាមន្ទីរពិសោធន៍របស់ខ្លួនកាលពីខែមុនបានរកឃើញជំងឺគ្រុនផ្តាសាយជ្រូកក្នុងជ្រូកងា.ប់ ដែលជាករណីដំបូងនៅក្នុងប្រទេសថៃ។
លោក Sorravis Thaneto ថ្លែងថា អាជ្ញាធរនឹងប្រកាសពីតំបន់ផ្ទុះជំងឺក្នុងរង្វង់ ៥គីឡូម៉ែត្រកន្លែងដែលរកឃើញជំងឺ ដាក់កំហិតលើដឹកជញ្ជូនជ្រូក ពិចារណាសម្លា.ប់សត្វដែលសង្ស័យថាមានឆ្លងជំងឺនេះ និងការផ្តល់ប្រាក់សំណងទៅដល់កសិដ្ឋានដែរងផលប៉ះពាល់។
លោកបន្ថែមថា ថៃក៏នឹងជូនដំណឹងទៅដល់អង្គការសុខភាពសត្វពិភពលោកផងដែរអំពីការរកឃើញជាផ្លូវការនៃជំងឺនេះ៕
