សម្ដេចតេជោ និងសម្ដេចកិត្តិព្រឹទ្ធបណ្ឌិត អញ្ជេីញទទួលវ៉ាក់សាំងដូសជំរុញ ដើម្បីការពារកូវីដ.១៩
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា និងឧត្តមភរិយា សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុ ន សែន បានអញ្ចេីញទទួលវ៉ាក់សាំងដូសជំរុញ នៅព្រឹកថ្ងៃទី១៤ ខែមករា ឆ្នាំ២០២២ ។
សម្ដេចតេជោ ហ៊ុន សែន បានលេីកឡេីងក្នុងទំព័រហ្វសប៊ុកផ្លូវការដូច្នេះថា៖ ពីរនាក់បានហើយ! ថ្ងៃនេះខ្ញុំនិងភរិយាចាក់វ៉ាក់សាំងដូសជំរុញដើម្បីការពារកូវីដ.១៩។ សម្ដចតេជោ បានបញ្ជាក់ថា គ្មានជម្រើសអ្វីឱ្យល្អជាងការចាក់វ៉ាក់សាំងគួបផ្សំជាមួយវិធានការសុខាភិបាល៣ការពារនិង៣កុំនោះទេ។
សម្ដេចបន្តថា ខ្ញុំមានកម្លាំងការពារយ៉ាងរឹងមាំនៅគ្រប់ទីកន្លែងតែពួកគាត់មិនអាចការពារខ្ញុំមិនឱ្យឆ្លងកូវីដ.១៩បានឡើយ។ សម្ដេចតេជោនាយករដ្ឋមន្ត្រីបានបន្តទៀតថា ប្រពន្ធនិងកូនៗព្រមទាំងចៅៗរបស់ខ្ញុំក៏មិនអាចការពារខ្ញុំបានដែរ។និយាយរួមគ្មានអ្នកណាអាចការពារខ្ញុំបានឡើយគឺមានតែរូបខ្ញុំខ្លួនឯងប៉ុណ្ណោះទើបអាចការពារខ្លួនខ្ញុំបាន។
សម្ដេចតេជោ ហ៊ុន សែន បានសូមឱ្យបងប្អូនជនរួមជាតិ អញ្ជើញទៅចាក់វ៉ាក់សាំង ឱ្យបានគ្រប់ៗគ្នាទាំងដូសមូលដ្ឋាន ទាំងដូសជំរុញដើម្បីការពារខ្លួនយើង គ្រួសារយើង ភូមិ ឃុំយើងនិងជាតិយើង៕ ដោយ វណ្ណលុក