សម្តេចតេជោ ហ៊ុន សែន ស្នើអ្នកព័ត៌មានផ្សព្វផ្សាយ ជោគជ័យ និងសមិទ្ធិផលកម្ពុជា ទៅដល់ពិភពលោក។ ភ្នំពេញ៖ សម្ដេចតេជោ ហ៊ុន សែន បានស្នើបណ្ដាស្ថាប័នព័ត៌មាន និងអ្នកសារព័ត៌មានទាំងឡាយ ចូលរួមផ្សព្វផ្សាយ ជោគជ័យ និងសមិទ្ធិផលរបស់រាជរដ្ឋាភិបាលកម្ពុជាទៅកាន់ពិភពលោក ជាពិសេស ការរៀបចំកិច្ចប្រជុំកំពូលអាស៊ានឆ្នាំ២០២២ ដែលកម្ពុជាធ្វើជាម្ចាស់ផ្ទះ។ សម្ដេចតេជោនាយករដ្ឋមន្ត្រីស្នើដូចនេះ ក្នុងឱកាស សម្តេចតេជោ ផ្ញើសារលិខិតជូនអ្នកសារព័ត៌មានជាតិ និងអន្តរជាតិ ក្នុងឱកាសទិវា នៃពិធីជួបជុំ រវាងប្រមុខរាជរដ្ឋាភិបាលកម្ពុជា និងអ្នកសារព័ត៌មានកម្ពុជា លើកទី៦ ថ្ងៃទី១៤ ខែមករា ២០២២។