អគ្គលេខាធិការអាស៊ាន លោក លឹម ចុក ហ៊ុយ កំពុងបំពេញទស្សនកិច្ច៥ថ្ងៃក្នុងប្រទេសកម្ពុជាដែលជាដំណើរ ទស្សនកិច្ចតបតាមការអញ្ជើញរបស់រដ្ឋមន្ត្រីក្រសួងការបរទេសកម្ពុជា។ លោក លឹម ចុក ហ៊ុយ បានមកដល់ កម្ពុជា កាលពីថ្ងៃទី១៥មករានិងដំណើរទស្សនកិច្ចនេះ គ្រោងនឹងបញ្ចប់នៅថ្ងៃទី១៩មករា។

កម្ពុជាគឺជាប្រធានអាស៊ានប្តូរវេនឆ្នាំ២០២២ និងដំណើរទស្សនកិច្ចរបស់អគ្គលេខាធិការអាស៊ាន គឺដើម្បីជួប ទទួលយកអនុសាសន៍ណែនាំពីប្រធានអាស៊ានមុននឹងជួបបណ្តាក្រសួងកម្ពុជាដែលពាក់ព័ន្ធក្រោមគោលការណ៍ នៃសសរស្តម្ភគ្រឹះធំទាំង៣អាស៊ាន គឺគ្រឹះសន្តិសុខនយោបាយ, គ្រឹះវប្បធម៌សង្គម នឹងគ្រឹះសេដ្ឋកិច្ច អាស៊ាន។