កម្ពុជាបានរកឃើញអ្នកឆ្លងវីរុសបំប្លែងថ្មីអូមីក្រុងក្នុងសហគមន៍ចំនួន១១នាក់បន្ថែមទៀត ក្នុង ចំណោមអ្នកឆ្លងថ្មីអូមីក្រុងដែលមានសរុបចំនួន២៩នាក់។

តួលេខឆ្លងថ្មីចំនួន២៩នាក់នៅថ្ងៃច័ន្ទនេះ គឹជាតួលេខ កើនឡើង៦ករណី បើប្រៀបធៀបនឹងម្សិលមិញ។ នៅថ្ងៃនេះ ការឆ្លងនាំមកពីក្រៅប្រទេសមានចំនួន១៨ករណី។ តូលេខនៃវីរុសអូមីក្រុងដែលបានរកឃើញសរុបក្នុងប្រទេសកម្ពុជា បានកើនដល់៣៨៤ករណីហើយ ក្នុងនោះ ៧៥ករណី គឺជាការឆ្លងក្នុងសហគមន៍។ កម្ពុជានៅថ្ងៃច័ន្ទនេះ មិនមានករណីស្លាប់ ដោយជម្ងឺកូវីដ១៩ឡើយ ដែលការចៀសផុតពីការបាត់បង់ជីវិតនេះ បានបន្តជាប់គ្នារយៈពេល១៣ថ្ងៃហើយ។

កម្ពុជាគិតត្រឹមថ្ងៃទី១៧ខែមករាឆ្នាំ២០២២, ការឆ្លងជំងឺកូវីដ១៩សរុប ទូទាំងប្រទេសមានចំនួន១២ម៉ឺន៨២៥ករណី, ការព្យាបាលជាសះស្បើយមានចំនួន១១ម៉ឺន៧ពាន់១១៨ នាក់រួម ទាំងការព្យាបាលជាសះស្បើយថ្ងៃនេះចំនួន១៦នាក់ថែមទៀត, ចំណែកការស្លាប់នៅមានតួលេខ ៣ពាន់ ១៥ នាក់ ជាដដែល។