ទំព័រដើមព័ត៌មានវ៉ារ៉្យង់បំលែងរងអូមីក្រុង បង្កជាមន្ទិលដល់វិស័យវេជ្ជសាស្ត្រ

វ៉ារ៉្យង់បំលែងរងអូមីក្រុង បង្កជាមន្ទិលដល់វិស័យវេជ្ជសាស្ត្រ

អ្នកវិទ្យាសា​ស្ត្រ​ កំពុងតាមដានយ៉ាងដិតដល់លើ​បំលែង​វ៉ារ៉្យង់​​រង ដែល​បានរកឃើញថ្មី​ៗចេញ​ពី​​វ៉ារ្យ៉ង់ អូមីក្រុង ដើម្បី​កំណត់ពី​រ​បៀ​បនៃ​ការ​កកើត​នៃ​វ៉ារ៉្យង់​នេះ ហើយ​ចង់​ដឹង​ថា​តើ​​ការ​កើត​របស់​វា អាច​ប៉ះ​ពាល់​ដ​ល់​កា​រ​រី​ករាលដាលនៃជំងឺរាតត្បាតនាពេលអនាគ​តឬ​យ៉ាងណា​។ នេះ​បើតាម​ឱ្យដឹង​ពីសារព័ត៌មាន Al Jazeera។

វ៉ារ្យ៉ង់អូមីក្រុង​​ បានក្លាយទៅជាប្រភេទមេ​រោគ​លេចធ្លោក្នុងប៉ុន្មានខែថ្មីៗនេះ ប៉ុន្តែអា​ជ្ញាធ​រ​សុ​ខា​ភិ​បាលអ​ង់​គ្លេ​ស បាន​កំណ​ត់​អត្តសញ្ញាណបំលែង​វ៉ារ៉្យង់​រង​ដទៃ​ទៀត​រាប់​រយករណី​ ដែលមានឈ្មោះថា B​A.2 ខណៈ​ដែល​ ទិន្នន័យអន្តរជាតិបង្ហា​ញថា វាអា​ច​រីករាលដាលយ៉ាងឆាប់រហ័ស​។

ទីភ្នាក់​ងា​រស​ន្តិសុខសុខភាពរបស់ចក្រភពអង់គ្លេ​ស​ (UKHSA) បានកំណត់ករណីច្រើន​ជាង ៤០០ ករណី​នៅក្នុ​ង​ចក្រភពអង់គ្លេសក្នុងរយៈពេល ​១០ ថ្ងៃ​ដំបូ​ងនៃ​ខែ​នេះ ហើយបានបង្ហាញពីវ៉ា​រ្យ៉​ង់​ចុ​ង​ក្រោយ​បំ​ផុ​ត ត្រូវបានគេរកឃើញនៅក្នុងប្រទេសចំនួ​ន​ ៤០ ផ្សេងទៀ​ត ដែលគិតជាករណី​ភា​គ​ច្រើ​ននៃ​ក​រ​ណី​ថ្មី​ៗ​បំ​ផុ​តនៅ​ក្នុ​ង​ប្រទេសមួយចំនួន រួ​មទាំង ឥណ្ឌា ដាណឺម៉ាក និងស៊ុយអែត។

ភ្នាក់ងារ UKHSA បានបង្ហាញកាលពីថ្ងៃ សុក្រ ថា ខ្លួ​នបានកំណត់អំបូរ​ BA.2 ជាវ៉ារ្យ៉ង់នៅ​ក្រោម​កា​រ​ស៊ើ​ប​អង្កេត​ (VUI) ដោយសារករណីរបស់វា​កំ​ពុ​ង​កើនឡើង ទោះបីជានៅក្នុងប្រទេសអង់គ្លេស អំបូរ​ BA.1 បច្ចុប្បន្ន​កំពុង​តែ​​​លេ​ចធ្លោក៏ដោយ។

អាជ្ញាធរ ក៏​បានគូសបញ្ជាក់ថា៖ «នៅតែ​មាន​ភា​ព​មិ​ន​ច្បា​ស់​លាស់​ជុំ​វិ​ញ​សា​រៈ​សំខាន់​នៃ​ការ​ផ្លាស់​ប្តូរ​ហ្សែន​មេរោគ​​ ដែល​ត​ម្រូវឱ្យមានការឃ្លាំមើ​ល ខណៈ​ដែលករណីនៅក្នុងប៉ុន្មា​ន​ថ្ងៃ​ថ្មីៗនេះ បាន​បង្ហាញ​ពី​ការ​កើន​ឡើង​​យ៉ា​​​ងខ្លាំ​ង​នៃឧប្បត្តិហេតុអំបូរ​ BA.2 ជាពិសេសនៅក្នុងប្រទេសឥណ្ឌា និងដា​ណឺម៉ាក​»​។​

លោក Antoine Flahault អ្នកជំនាញខាងរោគរាតត្បាតជ​ន​ជា​​តិបារាំង បានប្រាប់ទីភ្នាក់ងារព័ត៌មាន​ AFP ថា៖​ «អ្វីដែ​ល​ធ្វើឱ្យយើងភ្ញាក់ផ្អើលគឺភាពរហ័ស​ ដែលបំរែបំរួលរងនេះ​កំពុង​ច​រាច​រ​ក្នុ​ង​កម្រិ​ត​ដ៏​ធំធេ​ង​ក្នុ​ង​ទ្វី​ប​អាស៊ី ហើយ​បានកាន់កាប់ដល់​​ប្រទេសដាណឺម៉ា​ក»​។

អ្នកវិទ្យាសាស្ត្រ​ត្រូ​វ​តែវា​យតម្លៃពីរ​បៀប ដែលមេរោ​គ​បន្តវិវត្ត និងផ្លាស់ប្តូរ។ ការចាប់កំណើត​ចុ​ង​ក្រោ​យ​បំផុត​របស់​វា​ មិនមានការផ្លាស់ប្តូរជាក់លាក់ណា​មួ​យ​ ដើម្បី​ប្រើសម្រាប់​ការ​​តាមដាន និង​ប្រៀប​ធៀប​អំបូរ ​​ BA.1 ជាមួយវ៉ារ៉្យង់​ដែល​តា​​ ដែលជាប្រភេទដែលលេ​ចធ្លោពីមុននោះទេ។

អំបូរ BA.2 មិន​ទាន់​ត្រូវ​បាន​កំណត់​ថា​ជា​ការប្រែប្រួល​នៃ​ការ​​ព្រួយ​បារម្ភ​នៅឡើយ​​ទេ ប៉ុន្តែ​លោក Flahault និយាយ​ថា ប្រទេស​នានា​​ ត្រូវ​តែ​មាន​ការ​ប្រុង​ប្រយ័​ត្ន​ ចំពោះ​ការវិវឌ្ឍន៍​ចុងក្រោយ​បំផុត ខណៈ​ដែល​អ្នក​វិទ្យាសាស្ត្រ​​បង្កើន​ការ​ឃ្លាំមើល។​

លោក​បាន​ឱ្យដឹង​ថា៖ «ប្រទេស​​បារាំង រំពឹង​ថានឹ​ង​មា​ន​កា​រ​កើ​ន​ឡើ​ង​នៃ​កា​​រច​ម្ល​ង​រោ​គ​នៅពាក់​កណ្តាល​ខែ​ម​ករា​។ វា​មិនបានកើតឡើងទេ ហើយប្រហែលជា ដោយ​សារតែបំរែបំរួលរងនេះ​ ដែល​ហា​ក់ដូ​ច​ជា​អាច​ឆ្លង​បា​ន​ ប៉ុន្តែ​មិន​​មាន​មេ​រោ​គ​ខ្លាំ​ង​ជា​ង​អំបូរ​ BA.1 នេះ​ទេ»។

ទីភ្នាក់ងារសុខភាពសាធារណៈរបស់ប្រទេស​បារាំង​ បាននិយាយកាលពីថ្ងៃ សុក្រ​ ថា ៖ «អ្វី ដែល​យើង​ចាប់​អា​រ​ម្ម​​ណ៍គឺ ប្រសិនបើ [បំរែបំរួលរង] មានលក្ខណៈខុសៗគ្នាពី​អំបូរ​ BA.1 ទាក់ទង​នឹង​កា​រ​ឆ្លង​និង​ភាព​ធ្ងន់​ធ្ងរ​»​។

មកទល់នឹងពេល​នេះ​ ករណី BA.2 មួយក្តាប់តូច​ បានលេចឡើងនៅក្នុងប្រទេសបារាំង ប៉ុន្តែ​ប្រទេស​នេះ កំ​ពុង​តាម​ដា​ន​កា​រវិ​វ​ត្ត​ន៍នៅពេល ដែល​ពួ​ក​គេបានរីករាលដាលពាសពេ​ញ​តំបន់​។

លោក Flahault នាយកវិទ្យាស្ថានសុខភាពស​ក​លនៃ​សា​ក​ល​វិ​ទ្យា​​ល័យ​ហ្សឺ​ណែវ និយាយ​ថា ពាក្យឃ្លាំ​មើល​មិន​ភ័យ​ស្ល​ន់​ស្លោ​ទេ​ ប៉ុន្តែ​យើង​ត្រូវ​មាន​ភាប​ប្រុងប្រយ័ត្ន ព្រោះថា សម្រាប់​ពេលនេះ​ យើង​កំពុង​ឃ្លាំ​មើល​ករណី​ BA.2 ធ្ងន់ធ្ង​រ ដើម្បី​ធ្វើការ​​ប្រៀបធៀបទៅនឹង​ក​រណីអូមីក្រុង​ដើម​។ យ៉ាងណាមិញ យើង​នូវ​មាន​មន្ទិល​ច្រើន​ទាក់ទិននឹង​វ៉ារ៉្យង់​រង​ទាំង​នេះ។

លោក Tom Peacock អ្នកជំនាញខាងមេ​រោ​គ​នៅ​ម​ហា​វិទ្យា​ល័​យ​ Imperial College ទីក្រុងឡុងដ៍ បាន​សរសេរ​ថា៖ «​ការសង្កេតដំបូងបំផុតពីប្រទេសឥណ្ឌា និងដាណឺម៉ាក បង្ហាញថា មិនមា​ន​ភា​ព​ខុ​ស​ប្លែ​ក​គ្នា​យ៉ា​ង​ខ្លាំ​ង​នៅ​ក្នុ​ង​ភា​ព​ធ្ង​ន់​ធ្ង​ររបស់​វា​ទេ បើប្រៀបធៀបទៅនឹង​អំបូរ​ BA.1»​។

លោក​Peacock បាន​បន្តថា​៖ «ទំ​នង​ជា​មានភាពខុសប្លែកគ្នាតិចតួចក្នុងប្រសិទ្ធ​ភា​ព​វ៉ាក់សាំងប្រឆាំងនឹង BA.1 និង BA.2។ ខ្ញុំមិនប្រាកដថា អំបូរ​ BA.2 នឹងមានឥទ្ធិពលខ្លាំងលើរល​កអូមីក្រុង​ បច្ចុប្បន្ន​នៃជំ​​ងឺរា​ត​ត្បាត​នេះទេ​»​។​

ប្រភព៖​ Aljazeera

- Advertisement -spot_img
spot_img
ឆាយ រត្ថា
ឆាយ រត្ថា
លោក ឆាយ រត្ថា ជាបុគ្គលិកផ្នែកព័ត៌មានវិទ្យា នៃអគ្គនាយកដ្ឋានវិទ្យុ និងទូរទស្សន៍ អប្សរា

ព័ត៌មានជាប់ទាក់ទង

- Advertisement -spot_img

អត្ថបទវិភាគ

ព័ត៌មានថ្មី

- Advertisement -spot_imgspot_img

ព័ត៌មានពេញនិយម