TikTok ជួលបុគ្គលមានឥទ្ធិពលក្នុងបណ្ដាញសង្គមដើម្បីបង្កើនប្រជាប្រិយភាពវេទិការខ្លួននៅក្នុងប្រទេសជប៉ុន
ប្រតិបត្តិករកម្មវិធីចែករំលែកវីដេអូដ៏ពេញនិយម TikTok នៅជប៉ុន ត្រូវបានគេរកឃើញថាបានជួលបុគ្គលមានឥទ្ធិពលក្នុងបណ្ដាញសង្គម ( influencers) បង្ហោះវីដេអូនៅលើបណ្ដាញសង្គម Twitter ដោយមិនជូនដំណឹងដល់ទស្សនិកជនថា វាជាមាតិកាឧបត្ថម្ភគឹ ជាការអនុវត្តបំពានច្បាប់ឧស្សាហកម្មប្រឆាំងនឹងទីផ្សារលួចលាក់។
អ្នកគ្រប់គ្រងប្រចាំនៅការិយាល័យរបស់តូក្យូរបស់ក្រមហ៊ុនកណ្ដាល TikTok ByteDance បានប្រាប់ សារព័ត៌មាន Nikkei កាលពីថ្ងៃ ច័ន្ទ ថា ការជួលបុគ្គលមានឥទ្ធិពលក្នុងបណ្ដាញសង្គម (influencers)គឺក្នុងគោលបំណងផ្សព្វផ្សាយមាតិកា TikTok ប៉ុណ្ណោះ។ អង្គភាពនេះ បាននិយាយថា ការរៀបចំនេះ បានចាប់ផ្តើមប្រហែល ២ ឆ្នាំមុន ហើយបានបញ្ឈប់នៅចុងឆ្នាំ ២០២១។
អ្នកគ្រប់គ្រងរបស់ ByteDance ជប៉ុននឹងផ្តល់កិច្ចសន្យាដល់ influencers ដែលគួបផ្សំជាមួយនឹងសំណងជំនឿចិត្តផងដែរ។ បន្ទាប់មក អ្នកគ្រប់គ្រងនឹងកំណត់អត្តសញ្ញាណវីដេអូ TikTok ទាំងនោះទៅ ចែករំលែកនៅលើ Twitter ។ នេះគឺជាផ្នែកមួយនៃយុទ្ធសាស្ត្រផ្សព្វផ្សាយ ដែលជំរុញ ដោយស្នាក់ការក្រុមហ៊ុននៅតូក្យូ។
យុទ្ធនាការទីផ្សារលួចលាក់ បង្កជាការភ្ញាក់ផ្អើលពីមាត់មួយ ដោយមិនបង្ហាញពីការឧបត្ថម្ភ ដោយអ្នកផ្សាយពាណិជ្ជកម្មទេ។ ទោះយ៉ាងណា ប្រទេសជប៉ុន មិនមានច្បាប់ណា ដែលហាមប្រាមទីផ្សារលួចលាក់នោះទេ ប៉ុន្តែការណែនាំពីក្រុមឧស្សាហកម្មហាមប្រាមការអនុវត្តន៍នេះ ព្រោះវាបំភាន់អ្នកប្រើប្រាស់។
ក្រុមហ៊ុនបុត្រសម្ព័ន្ធរបស់ជប៉ុនរបស់ ByteDance ដែលជាក្រុមហ៊ុនចាប់ផ្តើមដំបូងរបស់ចិន បាននិយាយថា ខ្លួនសោកស្តាយ ដែលផ្តល់ឱ្យអ្នកប្រើប្រាស់មានការយល់ច្រលំ។
វេទិការបណ្ដាញសង្គម TikTok ទទួលបានការគាំទ្រពីយុវវ័យយ៉ាងច្រើននៅក្នុងប្រទេសជប៉ុន បន្ទាប់ពីការបើកដំណើរការសេវាកម្មនៅទីនោះក្នុងឆ្នាំ ២០១៧។ កាលពីឆ្នាំមុន គេឃើញមានការកើនឡើងនូវផលិតផល ដែលគេហៅថា “ការលក់ TikTok” ដែលបង្ហាញនៅក្នុងវីដេអូនៅលើវេទិកា។
លោក Masayuki Hayashi ប្រធានក្រុមហ៊ុន Lovable Marketing Group ដែលជាក្រុមហ៊ុន គាំទ្រប្រតិបត្តិការប្រព័ន្ធផ្សព្វផ្សាយសង្គម បាននិយាយថា៖ «វាមានបញ្ហាខ្លាំងណាស់សម្រាប់វេទិកា ដែលមានបរិមាណអ្នកប្រើប្រាស់ខ្ពស់ ដើម្បីចូលរួមក្នុងការអនុវត្តសម្រាប់យុទ្ធនាការពាក្យសម្ដីធម្មតា។ នេះអាចបណ្តាលឱ្យឧស្សាហកម្មទាំងមូលបាត់បង់ភាពជឿជាក់»។
អ្នកសង្កេតការណ៍ជាច្រើនជឿថា បរិយាកាសប្រកួតប្រជែងកាន់តែខ្លាំងឡើង កំពុងដាក់សម្ពាធ TikTok ឱ្យបង់ប្រាក់សម្ងាត់ដល់ influencers ដើម្បីជួយផ្សព្វផ្សាយ និងចែករំលែកមាតិកា។ ក្នុងឆ្នាំ ២០២០ សហរដ្ឋអាមេរិក បានលើកឡើងពីការព្រួយបារម្ភអំពីហានិភ័យនៃទិន្នន័យផ្ទាល់ខ្លួន ដែលត្រូវបានលេចធ្លាយពី TikTok ទៅកាន់អាជ្ញាធរចិន។ នៅប្រទេសជប៉ុន រដ្ឋាភិបាលក្នុងតំបន់ គឺស្ថិតក្នុងបញ្ជី ដែលបានលេចធ្លាយនោះដែរ។
ហេតុការណ៍នេះ បានបង្កើតការបើកចំហសម្រាប់គូប្រជែង ដើម្បីវាយលុក។ នៅខែ សីហា ឆ្នាំ ២០២០ វេទិកា Instagram បានចាប់ផ្តើមអនុញ្ញាតឱ្យអ្នកប្រើប្រាស់បង្ហោះវីដេអូ Reels ទម្រង់ខ្លីនៅលើវេទិកា ដែលជាមុខងារស្រដៀងនឹង TikTok ។ ទម្រង់ Reels នេះផងដែរ ក៏ត្រូវបានគេជឿថានឹងទទួលបានទទួលប្រិយភាពយ៉ាងខ្លាំង។
ដោយឡែក វេទិការ YouTube កាលពីខែ កក្កដា ឆ្នាំ បានចេញមុខងារ “YouTube Shorts” ដែលទទួលបានអ្នកប្រើប្រាស់ជាង ១៥ ពាន់លានដង ប្រចាំថ្ងៃនៅទូទាំងពិភពលោក។
ដោយសារ អ្នកប្រើប្រាស់ជប៉ុន មានការប្រុងប្រយ័ត្នខ្ពស់ ចំពោះទីផ្សារលួចលាក់ ការិយាល័យទីក្រុងតូក្យូរបស់ក្រុមហ៊ុន ByteDance ប្រថុយនឹងការបាត់បង់អ្នកប្រើប្រាស់ ប្រសិនបើ ពួកគេបរាជ័យក្នុងការបញ្ចុះបញ្ចូលហេតុផលប្រើប្រាស់ influencers ក្នុងការចែកចាយវេទិការ។
ប្រភព៖ Nikkie Asia