វៀតណាមនឹងទិញវ៉ាក់សាំងអាមេរិក ចាក់ឲ្យកុមារ៥ឆ្នាំឡើង
ដើម្បីធានាសុវត្ថិភាពចំពោះសិស្ស និងកុមារ រដ្ឋាភិបាលវៀតណាម គ្រោងបញ្ជាទិញវ៉ាក់សាំងអាមេរិក Pfizer ចំនួន ២១,៩លានដូស ចាក់ឱ្យកុមារអាយុចន្លោះចាប់ពី ៥ ទៅ ១២ឆ្នាំ។
គម្រោងនេះត្រូវប្រកាសថ្មីៗនេះ ពោលក៏ស្របពេលដែលក្រសួងសុខាភិបាលថា សាលាភាគច្រើននឹងបើកឡើងវិញនៅពាក់កណ្តាលខែកុម្ភៈ ២០២២ ដូច្នេះ សិស្សសាលាប្រមាណជាង ១៧លាននាក់ នៅក្នុងប្រទេសវៀតណាមនឹងវិលត្រឡប់ទៅសិក្សានៅក្នុងថ្នាក់រៀនដោយផ្ទាល់វិញ និងមិនសិក្សាតាមប្រព័ន្ធអនឡាញទៀតនោះទេ។
គួរបញ្ជាក់ថា វៀតណាមបានផ្ទុះឆ្លងកូវីដ១៩ខ្លាំងនៅកំឡុងខែ តុលា ឆ្នាំ២០២១កន្លងទៅ។ សិស្សស្ទើរទូទាំងប្រទេសបានធ្វើការសិក្សាតាមប្រព័ន្ធអនឡាញ ជំនួសឱ្យការទៅសិក្សានៅក្នុងសាលាដោយផ្ទាល់៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ