ខ្សែបម្រើ Bruno Guimaraes ដែលទើបផ្លាស់ពីក្លឹប Lyon មកកាន់ក្លឹប Newcastle United បាននិយាយទៅកាន់សារព័ត៌មានថា គេជឿជាក់ក្លឹប Newcastle នឹងក្លាយជាជើងឯក UEFA Champions League និងជាក្លឹបដ៏ល្អជាងគេ នៅថ្ងៃណាមួយនាពេលអនាគត។ ខ្សែបម្រើរូបនេះ បាននិយាយថា៖” ក្លឹប Newcastle នឹងក្លាយជាក្លឹបដ៏មានឥទ្ធិពលនៅក្នុងពិភពបាល់ទាត់។

ខ្ញុំអត់មានអីត្រូវសង្ស័យពីការសម្រេចចិត្តមកក្លឹបនេះទេ “។ខ្សែបម្រើរូបនេះក៏បាននិយាយដោយការជឿជាក់ថា គោលបំណងរបស់ក្លឹបគេនៅរដូវកាលខាងមុខនេះ គឺចូលរួមក្នុងការប្រកួត UCL និងឈ្នះពានមួយនេះផងដែរ។

គួរបញ្ជាក់ផងដែរថា Newcastle ក្រោមការដឹកនាំរបស់ ព្រះអង្គម្ចាស់ Mohammed bin Salman ដែលមានទ្រព្យសម្បត្តិរាប់រយពាន់លានដុល្លារ ដោយកាលពីរដូវកាលទិញដូរ ខែមករាកន្លងទៅនេះក្លឹប Newcastle ក៏បានចំណាយលុយនាំចូលកីឡាករច្រើនជាងគេផងដែររហូតទៅដល់ ៧នាក់ ៕