ប្រមុខការទូតកម្ពុជាធ្វើបទបង្ហាញស្ដីពីសភាពការណ៍ពិភពលោក និង គោលនយោបាយការបរទេសកម្ពុជា ជូនដល់សមាជិកព្រឹទ្ធសភា
ភ្នំពេញៈ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិនៃព្រះរាជា ណាចក្រកម្ពុជាបានធ្វើបទបង្ហាញស្ដីពីសភាពការណ៍ពិភពលោក និងគោលនយោបាយការបរទេសកម្ពុជាជូនដល់ គណៈកម្មការកិច្ចការបរទេសសហប្រតិបត្តិការអន្តរជាតិ ឃោសនាការនិងព័ត៌មាន និងប្រធាននៃគណៈកម្មការទាំង ៩ ទៀត នៃព្រឹទ្ធសភាកម្ពុជា នៅថ្ងៃទី៩ ខែកុម្ភៈ ឆ្នាំ២០២២ នៅវិមានព្រឹទ្ធសភា។
ឯកឧត្តមឧបនាយករដ្ឋមន្ត្រី ប្រាក់ សុខុន បានសរសេរនៅលើបណ្តាញសង្គមហ្វេសប៊ុករបស់លោកថា ឯកឧត្តមបានផ្តោតលើផ្នែក សំខាន់ៗ មួយចំនួន នៃការងារការបរទេស និងសហប្រតិបតិ្តការអន្តរជាតិរបស់កម្ពុជា ក្នុងនោះរួមមានការប្រឈមជា យុទ្ធសាស្ត្រ កម្ពុជាក្នុងឋានៈជាប្រធានអាស៊ានឆ្នាំ២០២២ និងការលើកកម្ពស់ប្រសិទ្ធិភាពការងារការទូត។
ឯកឧត្តមពុំបានសរសេរលំអិតអំពីអ្វីខ្លើះដែលលោកបានជម្រាបជូនគណៈកម្មការជំនាញទាំង៩នេះទេ តែលោកបានបញ្ជាក់
ថា ឯកឧត្តមក៏ពិតជារីករាយណាស់ដែលបានជួបសំណេះសំណាល ជាមួយ ឯកឧត្តម លោកជំទាវ នៅព្រឹទ្ធសភា ដែលឯកឧត្តមធ្លាប់បានស្គាល់ដោយផ្ទាល់ និងសូមកោតសរសើរដោយស្មោះ ចំពោះការពលី និងការរួមចំណែករបស់គាត់ដើម្បីបុព្វហេតុជាតិយើង។ ឯកឧត្តមក៏បាននាំយក សៀវភៅកេរដំណែលស្នាដៃម្ហូបខ្មែរ ជាវត្ថុអនុស្សាវរីយខ្លះដើម្បីជូនពួកគាត់៕ ដោយៈ ពលជ័យ