ប្រទេសវៀតណាមបានប្រកាសពីការឆ្លងកូវីដ ចំនួនជិតបី បម៉ឺននាក់ កាលពីថ្ងៃទី១៤ ខែកុម្ភៈឆ្នាំ២០២២ម្សិលមិញ ដែលជាការឆ្លងប្រចាំថ្ងៃដ៏ច្រើនពុំធ្លាប់មាន។

ការឆ្លងដ៏ច្រើនបំផុតនេះ ជាការបំបែកកំណត់ត្រា រយៈពេល ប្រាំពីរថ្ងៃកន្លងទៅទៀត ដោយមានត្រឹមប្រមាណ ២៥.០០០ នាក់ប៉ុណ្ណោះ ក្នុងមួយថ្ងៃ។

ចំនួនឆ្លងថ្មី២៩.៤១៣នាក់ទៀតនេះបានធ្វើឲ្យចំនួនអ្នកកើតកូវីដ១៩ សរុប នៅវៀតណាមបានកើនដល់ ២.៥៤០.២៧៣ នាក់ ជាសះស្បើយវិញ ២.២៣២.៩៤៧នាក់ និងស្លាប់កើន ដល់ ៣៩.០៣៧នាក់ ។ក្នុងនោះ ម្សិលមិញនេះ ក៏មានស្លាប់ ដោយសារជំងឺកូវីដ ចំនួន៩១នាក់ទៀត។

វៀតណាមបានចាក់វ៉ាក់សាំងកូវីដ គ្រប់ពីរដូស លើប្រជាជន ជាង៧៤,៧លាននាក់ ក្នុងចំណោមប្រជាជនសរុប ៩៦លាន នាក់ ខណៈអ្នកដែលចាក់បានគ្រប់បីដូស មានជាង៣២លាន នាក់៕ប្រែសម្រួលដោយៈ សារ៉ាត