កៀវ៖ ស្របពេលដែលការចរចាជុំទីមួយមិនមានលទ្ធផល ជាក់ស្តែង នោះ គណៈប្រតិភូមកពីរុស្ស៊ី និងអ៊ុយក្រែនកំពុងរំពឹងថា កិច្ចចរចា សន្តិភាពជុំទីពីរ ដែលត្រូវបានគេរាយការណ៍ថា អាចនឹងប្រព្រឹត្តទៅ នៅក្នុងថ្ងៃពុធសប្តាហ៍នេះ (ម៉ោងក្នុងតំបន់)ខណៈពេលដែល ភាគី ទាំងពីរ បានព្រមព្រៀងគ្នា ក្នុងការបន្តដំណើរការចរចារគ្នា។

ក្នុងពេល នេះ ដែរ ពិភពលោកកំពុងជួបភាពតានតឹងជាមួយនឹង ការ ដោះស្រាយ ការផ្ទុះចេញពីជម្លោះយោធា ចំពេលដែលតម្លៃមាស ប្រេង និងអនាគតកសិកម្មកើនឡើងយ៉ាងខ្លាំង។

ប្រឈមមុខនឹងភាពតានតឹងផ្នែកភូមិសាស្ត្រនយោបាយកាន់តែកើនឡើងនោះ ចិន រួមជាមួយប្រទេស និងអង្គការអន្តរជាតិជាច្រើនផ្សេង ទៀតបានកំពុងអំពាវនាវឱ្យអ៊ុយក្រែន-រុស្ស៊ីជួយរកដំណោះស្រាយ តាមរយៈការចរចា ខណៈការពារជម្លោះកុំឱ្យកាន់តែតានតឹង ឬឈានចេញពីការគ្រប់គ្រង៕ ប្រភព៖ ស៊ីនហួរ ប្រែសម្រួលដោយ៖ ឈឹម ទីណា