ពិធីដាក់ឲ្យដំណើរការសាកល្បងរោងចក្រកែច្នៃជ័រកៅស៊ូ ទ្រី ភាព អុីមផត អិចផត ក្រោមអធិបតីភាពដ៏ខ្ពង់ខ្ពស់ លោកឧកញ៉ា បណ្ឌិត ទ្រី ភាព និងលោកជំទាវឧកញ៉ា គៀន ស្រីនាង នាថ្ងៃទី២១ ខែវិច្ឆិកា ឆ្នាំ២០១៩ ស្ថិតនៅឃុំរមណីយ ស្រុករវៀង ខេត្តព្រះវិហារ។

ទន្ទឹមនឹងការដាំដុះដើមកៅស៊ូ និងប្រមូលផលជ័រកៅស៊ូ ក្រុមហ៊ុនបានសាងសង់រោងចក្រកែច្នៃជ័រកៅស៊ូមួយ នៅទីតាំងខាងលើ ។   រោងចក្រនេះ មានសមត្ថភាពផលិតជ័រកៅស៊ូក្រែប បានចំនួន ៣,៥តោន ក្នុងមួយម៉ោង។ ក្រៅពីប្រេីប្រាស់ជ័រកៅស៊ូពីចំការរបស់ខ្លួន  ក្រុមហ៊ុននឹងប្រមូលទិញជ័រកៅស៊ូពីប្រជាពលរដ្ឋ ក៏ដូចជាពីបណ្តាក្រុមហ៊ុនផ្សេងៗទូទាំងប្រទេសកម្ពុជា។

គួរបញ្ជាក់ផងដែរថា ក្រុមហ៊ុន ទ្រី ភាព អុីមផត អិចផត បានទទួលការអនុញ្ញាតវិនិយោគពីរាជរដ្ឋាភិបាលកម្ពុជា លើគម្រោងវិនិយោគដំាដំណាំកសិ-ឧស្សាហកម្ម និងសាងសង់រោងចក្រកែច្នៃជ័រកៅស៊ូ លើផ្ទៃដីចំនួន៤.៨០០ហិកតា រួមជាមួយផ្ទៃដីកម្មសិទ្ធិឯកជន របស់ក្រុមហ៊ុនចំនួន ១.៦០០ហិកតាទៀត សរុបទាំងអស់ចំនួន ៦.៤០០ហិកតា រហូតដល់ បច្ចុប្បន្ន ក្រុមហ៊ុនបានធ្វើការដាំដុះដើមកៅស៊ូរួចរាល់ចំនួន ៥.៤០០ហិកតា និងបានបង្កើតការងារជូនប្រជាពលរដ្ឋ បានប្រមាណ ១.០០០នាក់៕ធ.ដ