ប្រធានាធិបតីរុស្សី លោក Vladimir Putin ហាមឃាត់ការនាំចេញនាំចូលផលិតផល និងវត្ថុធាតុដើម ដើម្បីធានាសន្តិសុខរុស្ស៊ី 
ប្រធានាធិបតីរុស្សី លោក Vladimir Putin បានបញ្ជាឲ្យរឹតបន្តឹង ឬហាមឃាត់ការនាំចូល និងនាំចេញផលិតផល និងវត្ថុធាតុដើមមួយចំនួនពីប្រទេសរុស្ស៊ីនៅក្នុងឆ្នាំ ២០២២នេះ។ នេះបើយោងតាមក្រឹត្យស្តីពីវិធានការសេដ្ឋកិច្ចពិសេសបរទេសដែលមានគោលដៅធានាសន្តិសុខរបស់រុស្សី។
បញ្ជីផលិតផលទាំងនោះនឹងត្រូវកំណត់ដោយរដ្ឋាភិបាល។
ឯកសារបញ្ជាក់ថា «ការធានានូវការអនុវត្តវិធានការសេដ្ឋកិច្ចពិសេសបរទេសរហូតដល់ថ្ងៃទី ៣១ ខែធ្នូ ឆ្នាំ ២០២២៖ ការហាមឃាត់ការនាំចេញ និងនាំចូលផលិតផល ឬវត្ថុធាតុដើមស្របតាមបញ្ជីដែលកំណត់ដោយរដ្ឋាភិបាលសហព័ន្ធរុស្ស៊ី»។
រដ្ឋាភិបាលរុស្ស៊ីនឹងត្រូវកំណត់បញ្ជីរដ្ឋដែលត្រូវស្ថិតក្រោមការសម្រេចចិត្តនេះក្នុងរយៈពេល ២សប្តាហ៍។ ការដាក់កំហិតទាំងនោះមិនរាប់បញ្ជូលផលិតផល ឬវត្ថុធាតុដើមដែលកំពុងត្រូវបានដឹកជញ្ជូនដោយពលរដ្ឋសម្រាប់តម្រូវការផ្ទាល់ខ្លួនរបស់ពួកគេឡើយ។
លើសពីនេះទៅទៀត គណៈរដ្ឋមន្ត្រីនឹងត្រូវអនុញ្ញាតឲ្យធ្វើការកំណត់លក្ខណៈពិស្តារនៃការអនុវត្តន៍លើវិធានការទាំងនេះទាក់ទងនឹងផលិតផល ឬមនុស្ស ឬក្រុមហ៊ុន។
វិធានការថ្មីកំពុងត្រូវបានដាក់ចេញបន្ថែមលើវិធានការដែលមានចែងក្នុងក្រឹត្យមុនរបស់ប្រធានាធិបតី។ កន្លងមកនេះ រុស្ស៊ីបានដាក់វិធានការសេដ្ឋកិច្ចពិសេស ដើម្បីឆ្លើយតបទៅនឹងវិធានការរបស់អាមេរិក និងប្រទេសផ្សេងៗ និងអង្គការអន្តរជាតិ ព្រមទាំងវិធានការសេដ្ឋកិច្ចបណ្តោះអាសន្នក្នុងគោលបំណងធានាស្ថេរភាពហិរញ្ញវត្ថុរុស្សី៕
![](https://asset.ams.com.kh/central/media/9a1158154dfa42caddbd0694a4e9bdc8-14-1.jpg)
![](https://asset.ams.com.kh/central/media/9f61408e3afb633e50cdf1b20de6f466-13.jpg)
![](https://asset.ams.com.kh/central/media/72b32a1f754ba1c09b3695e0cb6cde7f-13.jpg)
![](https://asset.ams.com.kh/central/media/a684eceee76fc522773286a895bc8436-15.jpg)
![](https://asset.ams.com.kh/central/media/b53b3a3d6ab90ce0268229151c9bde11-15.jpg)