គជបអនុញ្ញាតអ្នកសង្កេតការណ៍៧៤០០នាក់ចូលរួមសង្កេតការណ៍បោះឆ្នោត (Video Inside)
គណៈកម្មាធិការជាតិរៀបចំការបោះឆ្នោត ហៅកាត់ថាគជប បានអនុញ្ញាតឱ្យសមាគម និងអង្គការក្រៅរដ្ឋាភិ បាលចំនួន៤ ចូលរួមសង្កេតមើលដំណើរការបោះឆ្នោតជ្រើសរើសក្រុម ប្រឹក្សាឃុំ-សង្កាត់ ។
យោងតាមគជប, សមាគម និងអង្គការក្រៅរដ្ឋាភិបាលចំនួន៤ ដែលបាន អនុញ្ញាតការចូលរួមសង្កេតការណ៍នោះ មានអ្នកសង្កេតការណ៍សរុបចំនួន៧ពាន់៤០០នាក់ ក្នុងនោះស្ត្រីមានចំនួន ៤ពាន់២៤៥នាក់។
គ.ជ.ប បានរៀបរាប់បញ្ជាក់ថា សមាគម និងអង្គ ការក្រៅរដ្ឋាភិបាលចំនួន៤ដែលចូលរួមសង្កេតដំណើរការបោះឆ្នោតជ្រើសរើសក្រុម ប្រឹក្សាឃុំ-សង្កាត់ក្នុងខែមិថុនាជិតមកដល់នេះ រួមមានទី១៖ សមាគមបញ្ញវ័ន្ត និងយុវជនស្ម័គ្រចិត្ត,ទី២៖ សហភាពសហព័ន្ធយុវជនកម្ពុជា ,ទី៣៖ គណៈកម្មាធិការដើម្បីការបោះឆ្នោតដោយសេរី និង យុត្តិធម៌នៅកម្ពុជា ហៅកាត់ថា ខមហ្វ្រែល ,និងទី៤៖ សមាគមនារីកម្ពុជា ដើម្បីសន្តិភាព និងអភិវឌ្ឍន៍៕