បរទេស៖ កន្ទុយវែងមានទ្រនិច (The deathstalker) ស្ថិតនៅលើសត្វខ្យាដំរីដ៏គ្រោះថ្នាក់បំផុតនៅលើភពផែនដី ហើយអ្វីដែលធ្វើឱ្យវាគ្រោះថ្នាក់ខ្លាំងនេះ ក៏ក្លាយទៅជាវត្ថុធាតុរាវដ៏ថ្លៃបំផុតក្នុងពិភពលោក។ ពិសរបស់សត្វខ្យាដំរីមានតម្លៃរហូតដល់ $39,000,000 ក្នុងមួយហ្គាឡុង (Gallon). បាទ! អ្នកអានត្រឹមត្រូវហើយ វត្ថុនេះមានតម្លៃ 39 លានដុល្លារ ក្នុងមួយហ្គាឡុង ។

ឥឡូវនេះ ទោះបីជាអ្នកមានលុយក៏ដោយ ក៏អ្នកមិនអាចទៅទិញរបស់នេះមួយហ្គាឡុងបានទេ ព្រោះអ្នកអាចទទួលបានវាក្នុងបរិមាណតិចតួចប៉ុណ្ណោះ។ ទឹកប្រាក់ $130 អ្នកនឹងទទួលបាននូវដំណក់ទឹកដែលតូចជាងស្ករមួយគ្រាប់ទៅទៀត។ រីឯមូលហេតុវិញ គឺសាមញ្ញខ្លាំងណាស់ ព្រោះវាជាវត្ថុដែលពិបាកទទួលបាន។ ខ្យាដំរីទាំងអស់ត្រូវបានបំបៅដោយដៃ ម្តងមួយៗ (Scorpions are almost always milked by hand, one by one)។ ហើយខ្យាដំរីមួយក្បាលផលិតពិសតែពីរមីលីក្រាមប៉ុណ្ណោះក្នុងមួយដង។ ដូច្នេះ ចូរគណនាតាមគណិតវិទ្យា ប្រសិនបើអ្នកជាម្ចាស់ខ្យាដំរីមួយក្បាល ហើយបំបៅវារៀងរាល់ពីរថ្ងៃម្តង វានឹងចំណាយពេល 10,371ឆ្នាំ ដើម្បីបំពេញបានមួយហ្គាឡុងនោះ។ ហើយសូមប្រឈមមុខនឹងវាថា អ្នកប្រហែលជាត្រូវបានវាទិចផងដែរ នៅពេលចិញ្ចឹមវា ។ មួយទ្រនិចរបស់វា មិនគ្រប់គ្រាន់ដើម្បីសម្លាប់មនុស្សម្នាក់ដែលមានសុខភាពល្អនោះទេ ប៉ុន្តែខ្ញុំគិតថាវាធ្វើឱ្យយើងឈឺចុកចាប់។

ខ្ញុំអាចនិយាយដោយខ្លីថា វាធ្វើឱ្យឈឺចាប់ជាងការទិចរបស់ឃ្មុំរាប់រយដងឯណោះ (I’d easily put it being a hundred times more painful than a bee sting) ប៉ុន្តែដោយសារតែការឈឺចាប់គឺជាបទពិសោធន៍ជាក់ស្ដែង និងអារម្មណ៍មួយ វាពិតជាលំបាកណាស់ក្នុងការទទួលបានបរិមាណពិតប្រាកដ។ ប៉ុន្តែវាប្រាកដជានឹងបំផ្លាញអ្នកបាន នោះគឺលោក Steve Trim ជាស្ថាបនិក Venomtech ដែលជាមនុស្សម្នាក់ក្នុងចំណោមមនុស្សពីរបីនាក់ប៉ុណ្ណោះ ដែលមានភាពក្លាហានគ្រប់គ្រាន់ក្នុងការធ្វើការជាមួយសត្វទាំងនេះ។ ដោយសារតែនៅក្នុងពិសដ៏សាហាវនោះ ពិតជាមានសមាសធាតុមានប្រយោជន៍ជាច្រើន ដែលជួយឱ្យអ្នករុករកឃើញឱសថច្រើនប្រភេទ។ ជាឧទាហរណ៍ Chlorotoxins គឺជាទំហំដ៏ល្អឥតខ្ចោះ សម្រាប់ភ្ជាប់ជាមួយនឹងកោសិកាមហារីកមួយចំនួន នៅក្នុងខួរក្បាល និងឆ្អឹងខ្នង ដែលវាមានប្រយោជន៍ក្នុងការកំណត់ទំហំ និងទីតាំងជាក់លាក់នៃដុំសាច់។ ហើយក្រុមអ្នកស្រាវជ្រាវបានប្រើពិសខ្យាដំរីដើម្បីបំបាត់ជំងឺគ្រុនចាញ់បណ្តាលមកពីសត្វមូស។

Kaliotoxin ត្រូវបានដាក់ឱ្យសត្វកណ្តុរប្រែង ដើម្បីប្រឆាំងជាមួយនឹងជំងឺឆ្អឹង។ អ្នកវិទ្យាសាស្ត្រសង្ឃឹមថា វាអាចដំណើរការទៅលើមនុស្សយើងផងដែរ។ នេះគ្រាន់តែជាអត្ថប្រយោជន៍ផ្នែកវេជ្ជសាស្រ្តមួយចំនួន ដែលអ្នកស្រាវជ្រាវបានរកឃើញ នៅក្នុងពិសខ្យាដំរី។ ហើយការស្រាវជ្រាវកាន់តែច្រើន ពួកគេនឹងរកឃើញការប្រើប្រាស់កាន់តែច្រើនដូចគ្នា។ ដែលមានន័យថា តម្រូវការពិសដ៏អស្ចារ្យនេះ នៅតែបន្តកើនឡើង។ ដូច្នេះហើយ ពេលនេះអ្នកវិទ្យាសាស្ត្រកំពុងតែព្យាយាមរិះរកវិធី ដើម្បីបានវាកាន់តែច្រើន និងលឿនជាងមុន។ ដូចក្រុមមួយនេះ មកពីប្រទេសម៉ារ៉ុក ដែលបានបង្កើតម៉ាស៊ីនបញ្ជាពីចម្ងាយដំបូងគេ សម្រាប់ការបំបៅខ្យាដំរី។ វាអាចបំបៅដោយសុវត្ថិភាពរហូតដល់ខ្យាដំរីបួនក្បាលក្នុងពេលតែមួយ។ ស្តាប់ទៅវាដូចជាមិនច្រើនណាស់ណាទេ ប៉ុន្តែ វាលឿនជាងមនុស្សម្នាក់ធ្វើចំនួនបួនដង។

អ្នកវិទ្យាសាស្ត្រសង្ឃឹមថា នឹងទទួលបានវាលើទីផ្សារ ក្នុងរយៈពេលពីរបីឆ្នាំ ដែលធ្វើឱ្យដំណើរការទាំងមូលកាន់តែលឿន និងមានសុវត្ថិភាពជាងមុន។ “កាន់តែលឿន និងមានសុវត្ថិភាពជាងមុន?”, អ្នកប្រហែលជាកំពុងតែគិត។ “ហ៊ឹម… ប្រហែលជាខ្ញុំគួរតែចាប់ផ្តើមកសិដ្ឋានចិញ្ចឹមខ្យាដំរីរបស់ខ្ញុំហើយ។” ជាការប្រសើរណាស់, ចូរចាប់ផ្ដើមវាទៅ, បុរសឆ្លាត។

ជាការពិតណាស់ មានការកើនឡើងនៃការគិតរបស់មនុស្ស, “អូ, នេះគីជាផែនការដែលធ្វើឱ្យឆាប់មានបាន។” ប៉ុន្តែមនុស្សមិនយល់ពីរបៀបប្រើពិសរបស់ខ្យាដំរីទេ។ យើងបានឃើញការកើនឡើងនៃចំនួនមនុស្សនិយាយថា ពួកគេមានពិសខ្យាដំរីចំណុះ 300 ក្រាម តើយើងចង់ទិញវាទេ? ហើយចម្លើយនោះគឺ “ទេ យើងមានរបស់យើងស្រាប់ហើយ”៕ ប្រភព៖ Business Insider ប្រែសម្រួលដោយ៖ ស៊ី សុគន្ធបុត្រា